فیفا فٹبال عالمی ورلڈ کپ 1930ء

فیفا نے 1930ء وچ پہلا فیفا عالمی فٹ بال کپ مرداں دے قومی ٹیماں دے درمیاں یوراگوئے وچ منعقد کروایا۔ اس دی میزبانی کیتے یوراگوئے، سپین، نیدرلینڈز، اٹلی تے سویڈن نے بولی لائی، لیکن فیفا نے یوراگوئے دی بولی قبول کیتی تے اس طرح یوراگوئے پہلے عالمی کپ دی میزبانی دا اعزاز حاصل کر سڳا۔ پہلے عالمی کپ وچ صرف تیرہ ممالک دے قومی ٹیماں شریک تھیاں۔ جنہاں کوں شامل تھیوݨ کیتے کوئی مقابلہ نی کرنا پیا، بلکہ پہلے عالمی کپ وچ کہیں وی ملک دی قومی ٹیم شرکت دی اہل ہئی، دنیا بھر دے ٹیماں کوں دعوت نامے ارسال کیتے گئے، مگر طویل سفر تے سفری اخراجات دی وجہ نال صرف تیرہ ممالک دے ہی ٹیماں شامل تھیاں، انہاں کوں چار گروپاں وچ تقسیم کیتا گیا، پہلا گروپ چار ٹیماں تے تے باقی ترئے گروپاں وچ ترئے ترئے ٹیماں شامل ہن، ہر گروپ دی ٹیم نے اپݨے گروپ دی ہر ہر ٹیم نال ہک ہک مقابلہ کرنا ہئی، اس طرح پہلے مرحلہ وچ نو ٹیماں باہر تھی گئیاں، ݙوجھا مرحلہ سیمی فائنل دا ہئی، پہلے عالمی کپ وچ تریجھے تے چوتھے درجہ کیتے مقابلے منعقد نی کیتے گئے۔ یوراگوئے وچ منعقد تھیوݨ والے 1930ء دے فیفاعالمی کپ دے فائنل وچ میزبان یوراگوئے نے ارجنٹائن کوں ݙو دے مقابلے وچ چار گول توں شکست ݙے کے پہلے فیفا عالمی کپ دا فاتح بݨݨ دا اعزاز حاصل تھیا.

فیفا عالمی فٹبال کپ ١٩٣٠ء دا اشتہار

اوہ تیرہ ممالک جیہڑے شریک تھئے۔

• یوراگوئے
• ارجنٹائن
• ریاستہائے متحدہ
• یوگوسلاویہ یوگوسلاویہ
• چلی
• برازیل
• فرانس
• رومانیہ
• پیراگوئے
• پیرو
• بلجئیم
• بولیویا
• میکسیکو

فائنل وچ ارجنٹائن تے یوراگوئے آمݨے سامݨے آ گئے، دلچسپ ڳالھ ایہ ہے کہ 1928اولمپکس دا فٹ بال فائنل انہاں ہی ݙوہاں دے وچ تھیا ہئی، جس وچ یوراگوئے 2-1 توں جیت گيا ہئی۔ فائنل سینٹینیل میدان وچ 30 جولائی کوں تھیا۔ فائنل وچ سیمی فائنل دی نسبت تماشائیاں دی تعداد قریب ݙاہ ہزار گھٹ ہئی، ارجنٹائن دے حمایتی دریا پار کر کے آئے انہاں کیتے ایہ مقابلہ زندگی تے موت دے مترادف ہئی، بیونیس آئرس توں مونٹی ویدیو تک. ݙاہ کشتیاں ناکافی ثابت تھیاں۔ ہک اندازے دے مطابق ݙاہ توں پندرہ ہزار ارجنٹائنی تماشائی آئے ہن۔