فیاض فاخر

اصل ناں فیاض احمد

قلمی ناں فیاض فاخرؔ

جمن 1965ء

تعلیم میٹرک

پیشہ دکانداری(ساؤنڈ اینڈ موویز)

فون نمبر 03371451214

جاہ پتہ وارڈ نمبر11نذدریلوے اسٹیشن کوٹ مٹھن تحصیل و ضلع راجن پور

دعاء میڈی ہے جو میڈا اے گھر تقسیم نہ تھیوے

میکوں تقسیم کر ڈیوو شہر تقسیم نہ تھیوے

گزر گاہ رہ گیا ہے جو میڈے اجداد دی اکثر

میں اہداں کہیں طرح میڈا او در تقسیم نہ تھیوے

میں بے شک پیار دیوچ انتہا دی حد تے پُج گیاں ہاں

جے ڈہدیں، ڈیکھ میکوں پر نظر تقسیم نہ تھیوے

اگوں آگیا ہے ڈوراہا، منینداں جو نکھڑ ویسوں

کئی ایجھاں راہ رستہ کڈھ سفر تقسیم نہ تھیوے

میڈے بالیں دی سر دی چھاں ہے ،بہندن بال وی تیڈے

کُئی ایجھی سوچ سوہنی کر ، شجر تقسیم نہ تھیوے

ایویں بد نامیاں تے شُہرتاں ہن پیار وچ فاخرؔ

جہان اچ پیار میڈے دی خبر تقسیم نہ تھیوے