فیاض ثمر

اصل ناں       فیاض احمد

قلمی ناں       فیاض ثمرؔ

جٖمنْ           1993ء

تعلیم           میٹرک

پیشہ           محنت مزدوری

فون نمبر         0303 9575785

جاہ پتہ         وستی موج دین تحصیل لیاقت پور ضلع رحیم یار خان

غزل

جنتے وگٖدا ہے ، جنتے ویندا ہے

کون دریا دا راہ روکیندا ہے

بٖوسے مستک دے دھرتی گھندی ہے

بندہ اللہ کوں سجدے ڈٖیندا ہے

ریت بھاہیں جو پئی اُڈٖیندی ہے

جھڑ وی دریا ودا اُڈٖیندا ہے

سچ الاونْ دا شوق کیکوں ہے؟

کون کاتی تے گٖل رکھیندا ہے

حشر تھیوے تاں سُدھ ثمرؔ پووے

کون کیندا ہے، کون کیندا ہے

؎ہا سیانْاں او میڈٖیں اکھیں وچ

اپنْاں چہرہ وسار کیویں گٖئے

٭٭٭