فہد قتال پوری

فہد قتال پوری سرائیکی زبان دا شاعر ہے۔

اصل ناں      اختر عباس

قلمی ناں      فہد قتال پوری   

جمن          1976ء   

تعلیم         مڈل

پیشہ          حجام  

فون نمبر       03457305882

جاہ پتہ         B/9گلگشت کالونی ملتان

فہد قتال پوری سرائیکی زبان دے جھنگوی لب و لہجے داہک پُر گو شاعر ہے،جیندے شعری مجموعے،پتناں تے بیڑی،انھیر جوانی دا،دلاسے تے یاداں وغیرہ اوندی پُر گوئی دے گواہ ہن۔فہد کوں اپنی ماء دھرتی،ماء بولی تے اپنے وسیب نال فطری اُنس ہے ،تہوں سرائیکی شاعری اوندی نس نس اچ انگڑائی گھندی نظر آندی ہے۔ڈوہڑہ ہووے تے بھانویں نظم،گیت ہووے تے بھانویں غزل اوہ سرائیکی شاعری دیاں تقریباََ ساریاں صنفاں وچ طبع آزمائی کریندا پئے۔

ڄم پل

قتال پور تحصیل کبیروالا ضلع خانیوال نال تعلق ہے۔

کتاباں

• پتناں تے ٻیڑی

نمونہ کلام

سچ لکھݨاں ہے فہد حیاتی ساری، اللہ کوڑ دی عادت پائی نئیں
میں اوہدا تے او میرا ہے، اکھ جا جا دلبر لائی نئیں
چنگا ہر دم سڄݨ دا سوچیا ہے، اساں اڄ تائیں نیت وٹائی نئیں
پھُل مارے سجݨ تاں ݙکھ لڳدا اے، رنج غیر دے پتھر دی کائی نئیں

غزل

اوندے لارے تے آ تے بیٹھے ہیں        رات ساری دھما تے بیٹھے ہیں

او الیندا ہے پر نظر دا نئیں         نال جَیندے الا تے بیٹھے ہیں

جھوٹے درداں دے جو جھٹیندی ہے         ہجر دی اوں ہوا تے بیٹھے ہیں

اج نمو دار کجھ نہ کجھ تھیسی         اپنی اکھ اچ نِجھاتے بیٹھے ہیں

قیس پچھدا ہے داستاں میری        عشق ایجھاں کما تے بیٹھے ہیں