فٹبال دا موسم موسم اے

اڄ پنڄ چھی ڄہاڑیاں بعد جو فیس بُک کھولے تے جھاتی پاتی ء تے پتہ اے لڳے جو شہر تونسہ دی وستی دی لوک سانجھ نامی فٹ بال ٹیم ہالی تئیں لڳی پئی اپݨے گول کیپر سوڄھل فقیر تے سنٹرل فارورڈ امڄد نزیر دے سر تے جو متاں کوئی میچ کھڈا چاوے جبکہ کرایے دا کھلاڑی تےاین جی او ملازم ترئے دفعہ ییلو کارڈ وصول کرݨ دے بعد بلآخر ریڈ کارڈ گھندا ٹیم دے منیجراں کولوں معافیاں منگدا جھکی جھوݨ سٹی گھر دو ڳیا۔ یار سوجھل فقیر ٻیا وی دنیا ءچ بہوں کجھ تھینندا پئے کتھائیں فٹبال دے عالمی مقابلے تھیندے پئین کتھائیں الکشن تھیندے پئین کتھائین آرٹ ادب کلچر دے شاندار فیسٹیولز تھیندے پئین ۔۔۔۔۔

لوک کتھائیں خوش ہن کتھائیں موجھے ہن ۔۔۔۔ دھپ چھاں ءچ دنیا ٹردی پئی ء۔۔۔ جانی اے اداس نسلان ہن ہر شئے مونجھا تے ݙکھاولا پہلو آپ ݙیکھدن تے تہاکوں وی ݙکھیندن۔۔۔ اپݨی نا آسودگی تے مونجھ دا انتقام نوجواناں کنین گھندن۔۔۔۔ اساکون افسوس اے ء جو تہاڈے سوین شاندار لوک انہاں دے ہتھوں اپݨا قیمتی وقت برباد کیتی ویندن۔۔۔۔ انہاں دی گول کیپنگ کݙݨ تک کوئی کریسی ۔۔۔۔۔ ہک لمبی لسٹ ء انہاں دے گول کیپراں دی جہڑھا اپݨا قیمتی وقت انہاں دی فضول بے مقصد تجریدی فلسفیانہ آفاقی تے آسمانی گفتگو سُݨ سُݨ تے مونجھے ماندے بے اُمیدے تھی تے نکھتن تے اج پئے ولسن۔۔۔۔ سیاست، علم تے اُمید بلآخر سبھے خوشی دے بیانے ہن۔۔۔۔ ہن بندا لوک سانجھ دا نظریاتی ظالبان بݨا ودا ہوٖے تاں ساکوں بحرحال ڈکھ تھیندے ۔۔۔۔۔۔۔ میکوں تان اینویں لگدے جو سوڄھل سئیں ڈیہنہ رات تساں سوائے فیس بک تے موسیٰ دا ہارون بݨے بیٹھے وے تے پیر مرشد ہوریں عارضی طور پردہ فرما ڳئین ۔۔۔۔۔ یار نارمل تھیوو ۔۔۔ فیس بک تے لوک سانجھ دی گول کیپنک توں ٻیا وی ٻہوں شاندار کجھ ء کرݨ پڑھݨ تے سمجھݨ کیتے ۔۔۔ ناراض وی نہ تھیویں جانی میڈا کہیں نال کڄھ وی پرسنل کوئی نئیں ۔۔۔۔۔۔۔ یقیننا میکوں کاوڑ وی آئی ہوسی کیوں جو نہ میں کوئیں ملامتی صوفی ہاں نہ گوتم تے نہ فقیر۔۔۔ہک عام بندہ ہاں تے خاص ٹھیوݨ دا مزاڄ کوئی نئیں۔۔۔۔۔