غلام حیدر موجی

غلام حیدر موجی سرائیکی زبان دا شاعر ہے۔

نمونہ کلام

غزل

خیالیں وچ مسلسل ہݨ زمانے دا سفر کرݨے

جتھاں دیہہ دا ہوسی دیرہ اتھاہو ونج گزر کرݨے

جے قسمت لوڑھ گھن آئی ہے ساکوں فرعون دی وستی

اساں موسی دے وانگوں ہݨ اتھاں خود کوں امر کرݨے

جےتوں کربل دی بھوئیں ہئیں تاں ساکوں اہدےحسینی ہن

اساں اپڑیں کلیجے دے تیکوں لہو نال تر کرݨے

قدم چاووں تاں ایں چاووں کنمبن رستے دے روہ سارے

علی دا مار کے نعرہ پتھر کوں ونج پگھر کرݨے

محبت دے ایں مزہب وچ اساں موجی مجاہد ہئیں

اے گاٹے سودھا ہݨ ساکوں قلم نفرت دا سر کرݨے

غزل

کل شام دی ہک تصویر ڈٹھی سچ گال کلیجہ پھٹدا ہا .

ہئ سرخ زمین معصومیں دے لہو نال کلیجہ پھٹدا ہا .

پۓ کھیر پلاک کوہیندے ہن کئ بال کلیجہ پھٹدا ہا .

ما ٹکراں مار کے آہدی ہئ میڈا لعل کلیجہ پھٹدا ہا .

اونویں ملاں سڑکاں مل بہندن لب چولوں فتوی ٹھک ڈیندن .

بیا حاکم وی بے حس ٹکریئن جے سچ آکھوں تاں ڈھک ڈیندن .

ہݨ مسلم سارے کٹھے تھی ہتھ ظالم دے گریبان اچ پاؤں .

کجھ زور ڈکھالوں کلمے دا بیا ہتھ دے وچ تلوار چاؤں .

گھنوں بدلہ جل کے ظالم توں ہݨ ظالم دا نانواں میٹ ڈکھاؤں .

ہݨ روندی ما کو حوصلہ ڈیوں بیا بال یتیم دا دل بدھواؤں .

کرے جرت نہ ظالم ظلم دی ول ایندا ہتھ ہمیشہ روک ڈیووں .

جیڑھا آڈر ڈیندے گولی دا اوندے ہاں وچ گولی ٹھوک ڈیووں

غلام حیدر موجی