غفار تعبیر

اصل ناں       عبدالغفار

قلمی ناں       غفار تعبیرؔ

جٖمنْ           1991ء

تعلیم           ایم اے (اسلامیات)

پیشہ            ٹیچر

فون نمبر        0346 9174095

جاہ پتہ         بند کورائی تحصیل پہاڑ پور ضلع ڈیرہ اسماعیل خان

غفار تعبیرؔ 5جولائی1991ء کوں خدا بخش ارائیں دے گھر تحصیل پہاڑ پور دی ہک وستی وچ پیدا تھئے، ایم اے تک تعلیم حاصل کیتی ۔مارچ2017ء کنوں امیر تنہا دی راہنمائی وچ اپنْی شاعری دا آغاز کیتا ، تے بٖہوں جلد خوبصورت ،رواں شاعری کرنْ لگٖے۔ نومبر 2018ء وچ ادبی تنظیم ’’ تانگھ سرائیکی سنگت ‘‘ وانڈہ نادر شاہ دی بنیاد رکھی ، جیندے زیرِ اہتمام تسلسل نال ماہانہ محافل دا انعقاد کر کے اردو تے سرائیکی ادب دے فروغ واسطے اپنْیاں خدمات سر انجام ڈٖیندے پئین۔نمونہ کلام۔

(1)غزل

رات میں ڈٖٹھن ستارے دیر تئیں

یاد اَئے ہن کجھ پیارے دیر تئیں

جیندے نانویں کیتی ہاسے زندگی

ڈٖیندا رہ گٖئے او خسارے دیر تئیں

تیڈٖے بٖاجھوں دل دی حالت ایویں ہے

جیویں بکھدے ہن انگارے دیر تئیں

اوں تاں سمجھے جاں نکھڑسوں مر ویسی

کر گھدے ہن میں گزارے  دیر تئیں

آپنْی توں ٹیک تے تعبیرؔ ٹُر

کوئی ڈٖیندا نئیں سہارے دیر تئیں