غزلاں
ڈاکٹر اشو لال فقیر لکھو
جندڑی جیوی خیر دا حال اے ساری مدت سکھا ہوویں
در تے سوا مینھ وی ہووی مینھ وی بھورے رنگ دی ہووے
ست نورھیں دا سورھا تھیویں
آپ کوں تیں توں ویل وتاواں
پیریں تیڈیں چھاں وچھانواں
تیڈے نال صلاح کرݨی ہئی
ایں سانگے میں تیں ݙو آیاں
جینجھا ڈینہہ اے ساڈا شینہہ اے
جیرھی رات اے ڈیݨ دا وات اے
ڈینہہ اے رات اے
رات ای رات اے
رات ای اینجھی کال ککونہی
ہتھ کوں ہتھ ای کائنی سجھدا
گالھا ساڈی گالھ نئیں سنڑدا
سیاݨا ساڈی گالھ نئیں بجھدا
میڈی خاص صلاح اے ایہا
کالی رات اے جھمر کھیڈوں
جھمر دے نال چندر ابھاروں
جھمر پراہ باکھ کریسے
جھمر ساکوں سوجھلا ڈیسے
جھمر پاک وی سااڈے اتے
اتنا آن ضروری تھئی اے
جیں شادی تے جھمر کائنی
جیں شادی تے دولی کائنی
پتر اوندے مترائے جمدن
دریا او دریا۔۔۔۔۔۔۔۔۔۔۔جنگلاں دی سانویں
کہیں ڈینہہ تاں ہوسی خوشی ساڈے نانویں۔
کتھاں نال اپڑیں۔۔۔۔۔اے چھانواں ہنڈیسوں
تساں اپڑیں تھانویں ۔۔۔۔۔اساں اپڑیں تھانویں۔
کتھاں رات پوری۔۔۔۔۔۔۔۔ادھوری ادھوری
کتھاں چندر پورا۔۔۔۔۔۔۔۔کنڑانویں کنڑانویں۔
جڈاں وی بنڑانویں۔۔۔۔۔۔۔ولا یار ساکوں
اے بیلا بنڑانویں۔۔۔۔۔۔۔او پانڑی بنڑانویں۔
کٹانڑی بنڑانویں جیویں تیڈی مرضی
جیویں تیڈی مرضی مہانڑی بنڑانویں۔
ڈاکٹر اشو لال فقیر ۔
۔۔۔۔۔ نوی غزل ۔۔۔۔۔۔۔۔۔ لکھو
نویں کردار دی ضرورت ہے
ہک اداکار دی ضرورت ہے
ساکوں نئیں لوڑ تاج تمغے دی
سر کوں دستار دی ضرورت ہے
بکھے لوکیں کوں رزق مل پوندے
اج وی دربار دی ضرورت ہے
دل نمانڑاں ہے جھنڑک نئیں سہندا
ساکوں بس پیار دی ضرورت ہے
جگ دیاں اپڑیاں ضرورتاں ہن پر
ساکوں تئیں یار دی ضرورت ہے
بے سبھے رستے جھاگ آیاں ہنڑ
تیڈے اقرار دی ضرورت ہے
اونکوں ناصر نہ جھک تے مل سگساں
میکوں اج دار دی ضرورت ہے
ناصرڈینہ
حافظ گلاب فیاض لکھو
آ ولا کھیڈدوں
ہا وے ہا کھیڈدوں
پیار دی کھیڈ وچ
سک ودھا کھیڈدوں
اے وی کھیڈ ء اساں
کھیڈ لا کھیڈدوں
کھیڈ رلے ساڈے
نہ سہا کھیڈدوں
ڈھیر ساریاں گڈیاں
بیاں بنڑا کھیڈدوں
کھڈدوں مٹی اتے
شوق دا کھیڈدوں
اچ وی تیڈی گلی
لڑھ مچا کھیڈدوں
چاندنڑیں رات کوں
روہی آ کھیڈدوں
جھومری ہئیں جھمر
پڑ لوا کھیڈدوں
کھیڈ وچ چندر کوں
نت رلا کھیڈدوں
آ ۔۔۔۔۔۔۔۔۔۔۔۔ فریدی ذرا
آ ۔۔۔۔۔۔۔ ذرا کھیڈدوں
ہکاڑی ݙواڑی سہیلیاں نظردئین
مالھی تے تاڑی سہیلیاں نظردئین
میݙی اے جھکاڑی اوندی بہوں اچاڑی
تے مومل دی ماڑی سہیلیاں نظردئین
اوندا گھر اڳاڑی میݙا گھر پچھاڑی
پن ہک ٻے کوں تاڑی سہیلیاں نظردئین
لاہی تے چاڑھی اچاڑی اچاڑی
پندھ پن وڳاڑی سہیلیاں نظردئین
میݙیاں ٻکریاں واڑی سئیں دلبر دی ماڑی
توں آ ݙیکھ آ ڑی سہیلیاں نظردئین
حافظ گلاب فیاض
شاد فقیر لکھو
ڈکھ درد ہن حصہ زندگی دا
نہ دردیں توں گھبرا کے ٹر ۔
جے پجنڑاں چاہندیں منزل تائیں
ایں وقت کوں نال رلا کے ٹر ۔
جو نکھڑن چاہندے نکھڑ ونجے
ڈیوے آس دے توں وسما کے ٹر ۔
پلے بدھ گھن شاد فقیر ایہا
کھل ہس دے نال نبھاکے ٹر ۔
شاد فقیر
سیف اللہ آصف لکھو
پائل تیڈی چٙھم چٙھم لڳی
ونگاں تیݙیاں چٙھنڑ چٙھنڑ لڳیاں
مونجھاں تیݙاں ونڑ ونڑ لڳیاں
اینجھاں لڳیاں جُڑ بنڑ لڳیاں
یاد ائ اکھیں کوں آفکی
کھمنڑیں جݙاں کھمنڑ لڳیاں
سرمیں دے پُھل کِردے رھے
کنڑکاں جضاں نِسرنڑ لڳیاں
اکھیاں کوں کُجھ ݙسنڑاں وی وی نہیں
تیکوں جݙاں وِسرنڑ لڳیاں
(سیف اللہ آصف)