عمران گماݨی

عمران گمانی ہک سرائیکی شاعر ہے۔

ڄم پل

01/01/1989 کوں موضع گمانی اوچ شریف وچ پیدا تھئے۔

محمد عمران

عمران گماݨی

ان پڑھ

2010

اکرام میتلا

0306-2865016

موضع گمانی اوچ شریف ( پر زیادہ تر کراچی رہندن )

ہجر آغاز

میں صدقے پاک نبی سئیں توں کل نبیاں دا سردار جو ہے

محبوب کریم ہے رب سئیں دا کونین دا کل مختیار جو ہے

منہ سئیں دے صدقے نی بدلئے سئیں امت دا غمخوار جو ہے

عمران گماݨی رب اوندے لاڈ منے سئیں نال خدا کوں پیار جو ہے

پہلے اکھیاں ݙو دیاں ݙو ہامی جڈاں توں نظریں تھی چار گئیاں

بھانویں مخلص ہاویں یا نہ سہی جند آپݨی تیں توں وار گئیاں

میں تیں تے چن اعتماد کیتے کر بہوں سارا اتبار گئیاں

ہݨ مل عمران گماݨی کوں توں جیتیوں تے میں ہار گئیاں

میڈے نال توں بھانویں پیار نہ کر میں دلبر پیار کریساں

میڈا سانول تیݙی ذات اتے میں ہر اتبار کریساں

توں نہ ملسیں تاں ڳول تیڈی میں پار اروار کریساں

ویساں چھوڑ عمران گماݨی نہ تیڈا روز دیدار کریساں

جیں ڈیہنہ دا مال کوں چھوڑ تے گئیں من مال بھلیندا ٻھال کھڑے

در بھاݨ تے رونق نی رہ گی نت بھاݨ تے نچدا کال کھڑے

رے سینکے مال دیاں ٻاکاں ہن نت روندا نیر نیڳال کھڑے

ول مال عمران گماݨی توں آ ڈیکھ تاں سہی جہڑے حال کھڑے

راہ رلدے رول فقیر ہیسے در آیوں ڈے خیرات ساکوں

نسے منگدے مال جگیر اساں ڈے سانول سکھ سوغات ساکوں

چا کرم کیتو جے رل گئیں تے مل ویسے سئیں اوقات ساکوں

من ڳال عمران گماݨی دی دیدار دی ڈے چا جھات ساکوں

تیڈا شکر گزار ہا چن ماہی من میڈی آ دیدار ݙتی

سب وہم گمان مٹا تے ول کر واضح پیار اظہار ڈتی

تیڈے لکھ لکھ ہن احسان میٹھا دل تحفہ میں توں وار ݙتی مٹ غم عمران گماݨی گن کر زندگی باغ بہار ڈتی