علم اساطیر

علم اساطیر (Mythology) کہیں معاشرے وچ موجود افسانوی داستاناں یا قصیاں (Myth) دے مطالعے کوں آکھا ویندے۔ اسطورہ آباء و اجداد دے زمانے توں ٹری آنے والی اینجھی افسانوی داستان کوں آہدن کہ جینکوں ہک تاریخ دی حیثیت نال تسلیم کر گھدا ڳیا ہووے تے اوندے سچ ہووݨ دا تاثر اوں معاشرے وچ عموماً پایا ویندا ہووے۔ ایں طرح دے داستاناں توں کہیں ثقافت یا معاشرے دے دنیا دے بارے وچ نظریات دا پتا چلدے۔ مورخین دا آکھݨا ہے کہ اسطورہ دا لفظ اصل وچ ہک یونانی لفظ historia توں عربی وچ داخل تھیا ہے جیندے معنی history دے ہوندن تے انگریزی لفظ story وی ایں لفظ دی شاخداری نال وجود وچ آیا ؛ سرائیکی، اردو تے عربی سمیت تمام مسلم زباناں وچ History کیتے لفظ تاریخ آندے جبکہ Story کوں سرائیکی وچ عمومی طور تے قصہ آکھا ویندے۔