عدیل بخاری
اصل ناں سید عبدالغفار
قلمی ناں عدیل بخاری
جمن 1969ء
جاہ پتہ محلہ شکاری احمد پور شرقیہ
عدیل بخاری ستھری تے سچی سوچ رکھن آلا حساس دل شاعر ہے نقوی احمد پوری تے رفیق احمد پوری توں اصلاح گھندے رہ گئین۔ڈوہڑہ تے غزل بہوں سوہنی لکھدن ۔آپ دی غزل اچ مزاحمتی رنگ نمایاں نظر آندے۔ایں حواے نال عدیل سئیں دی ہک غزل دا نمونہ ڈیکھو!
غزل
لکھوسُمدے کائنی غم دے مارے جاگدن
رات ساری زخم سارے جاگدن
آکھ ڈیوو شہر دے پردھان کوں
لب نہ بولن تاں اشارے جاگدن
ساڈی چپ کوں موت ساڈی نہ سمجھ
کیری د ے وچ پئے انگارے جاگدن
بال بُکھے روندے روندے سم تاں پِن
اماں ابّا پر وچارے جاگدن
ساڈے بت دا خون سڑدے تاں عدیل
تیڈے محلاں دے منارے جاگدن