عبداللہ یزدانی

عبداللہ یزدانی سرائیکی شاعر ہے۔ انہاں دا تعلق دیرہ اسماعیل خان نال ہے۔ عبداللہ یزدانی ڈیرہ اسماعیل خان دے 92سالہ بزرگ شاعر ہن ،جتنی لمبی عمر ہے اُتناں زیادہ شعری تجربہ رکھن آلے مشّاق تے پُر گو شاعر ہن ۔آپدیاں اردو تے سرائیکی دیاں تقریباََ پنج، چھی کتاباں چھپ چکیاں ہن۔ آپ دا شمار ڈیرہ اسماعیل خان دے استاد شعراء وچ تھیندے ۔سئیں عبداللہ یزدانی دے سرائیکی شعری مجموعہ ’’اسماناں توں لتھے پھل‘‘اچوں ڈو عدد غزلاں پیشِ خدمت ہن۔

کتاباں

• اسماناں توں لتھے پھُل

وفات

اتوار ١٨ دسمبر ٢٠٢٢ء

نمونہ کلام

متھے ڄݙاں تتے تھیندن
سارے کم ستتے تھیندن
ݙیکھ کے اُوندے ہوٹھ غلابی
پھُل باغاں دے رتے تھیندن

نعت شریفؐ

جڈاں یاد تیڈی دا چن چڑھداے پلکاں تے ستارے بل ویندن

تیڈے ناں دا ورد کرینداں تاں میڈے سارے ڈکھڑے ٹل ویندن

کتھ عرشِ بریں کتھ فرشِ زمیں کتھ قابَ قوسین او ادنیٰ

میڈا پاک نبیؐ اُتھ پہنچا ھے جتھاں پر جبریل دے جل ویندن

سب جھولیاں بھر بھر ٹُر ویندن اتھاں پتھر وی بنڑ دُر ویندن

جہیڑے آندن ایں دروازے تے کون آدھے خالی ول ویندن

ہنڑ بھیج مدینے توں مولاؐ کوئی بدلی آپنڑے ساونڑ دی

میکوں بہہ بہہ تتیاں دھپاں تے ایویں روز پچھاویں ڈھل ویندن

میڈے لکھ سلام درود ہون اوں پاک نبیؐ تے یزدانی

جیندو گِھن سوغات دروداں دی جِن،اِنس،مَلک،مرسل ویندن

عبداللہ یزدانی

(1)غزل

درداں دیاں سوغاتاں ڈِھگ ہن

گھٹ نئیں تیڈیاں ڈاتاں ڈِھگہن

خوشیاں دے ہن چار ڈیہاڑے

غم دیاں کالیاں راتاں ڈِھگہن

یا ر  اگر  تھی پووے  راضی

ول تاں عید براتاں ڈِھگ ہن

درد دے بوٹے ساوے رہسن

ہنجواں دیاں برساتاں ڈِھگ ہن

کیویں کہیں کوں کوئی سنجانے

بندہ ہک ہے ذاتاں ڈِھگ ہن

(2)غزل

مر ویساں گھُٹ زہر دا پی کے

کیا کرنم تئیں باجھوں جی کے

غیراں وچ ونج بہندیں پی کے

ٹھیکِ سجناں اے وی ٹھیکِ

بھیج ڈیندے ہو زلف دی خوشبو

روز ہواواں دے ہتھڑیکے

زلف دی جئیںنئیں روشنی ڈٹھی

اوندا مستقبل تاریکے

پیار دا جرم ہک میں نئیں کیتا

او وی میڈے نال شریکِ

٭٭٭