ظہیر احمد مہاروی

اصل ناں      ظہیر عباس

قلمی ناں       ظہیرؔ احمد مہاروی  

جمن            1987ء 

تعلیم           ایم بی اے،ایم اے اردو

پیشہ            ملازمت (کمپنی منیجر)

فون نمبر         03337044748

جاہ پتہ         ارائیں ہاؤس شہباز خیل روڈ رمضان آباد، میانوالی

ظہیر احمد مہاروی  میانوالی دے اُبھردے ہوئے نوجوان شاعر ہن ،انہاندا لب و لہجہ تے شعری آہنگ اپنے ہم عصر شعراء توں منفرد نظر آندے۔اوہ سرائیکی شاعری دیاں تمام مروّجہ اصناف اچ طبع آزمائی کریندے ۔آپ دیاں ڈو کتاباں ’’ہنجوں ،ریت، ہوا‘‘تے ’’لکار‘‘ وی چھپ کے منظر عام تے آچکیاں ہن۔اوہ رواں بحراں وچ صاف ستھری شاعری کریندن،زبان و بیان تے شعری اوزان تے انہاں کوں مکمل عبور حاصل ہے۔بنیادی طور تے اوہ غزل گو شاعر ہن تے غزل دیاں صنفی رمزاں توں بخوبی واقف ہن۔اوہ اپنی غزل کوں خوبصورت قافئے، ردیف نال بنا سجا کے پیش کریندن۔ظہیر صاحب میانوالی دے نامور شاعر مظہر نیازی دے شاگرد ہن تے عرصہ 15سال توں شاعری کریندے پئین ۔نمونہ کلام پیش خدمت ہے۔

غزل

وقتی طور سہارے منگدن       دل پئے لوک ادھارے منگدن

مٹھی شئے دا پچناں اوکھا      دریاپانی کھارے منگدن

پیار دے معنی آندے کوئی نئیں      جھنگ تے تخت ہزارے منگدن

بے عتبارے دور توں توبہ      اپنے گھر وی پہرے منگدن

ہک ہے دل تے اوہ وی کہیں دا       کیویں ڈیواں سارے منگدن

آخر یاد دے دل دریا توں       آن ظہیرؔ کنارے منگدن