طارق محمد قیصراݨی
اصل ناں طارق پرویز
قلمی ناں طارق محسنؔ
جمن 1978ء
تعلیم ایم اے
پیشہ سرکاری ملازمت
فون نمبر 03460168527
جاہ پتہ موجودہ محلہ عید گاہ تونسہ شریف
مستقل جھوک بودو تونسہ شریف
شعری مجموعہ’’سمندر سُک گیا ہوسی‘‘دے خالق طارق محسن قیصرانی دا تعلق تونسہ شریف دی وستی جھوک بودو نال ہے ،آپ دا شمار نویں نسل دے جدید غزل گو شعراء وچ تھیندے،جیکوں جدید غزل دے مہان شاعر حضرت اقبال سوکڑی نویں شاعریں دی قطار دا موہری شاعر آکھئے۔طارق محسن دا شعر آکھن دا اپناں نویکلا انداز تے اپناں مخصوص لب و لہجہ ہے۔اوہ اپنی شاعری اچ نت نویاں سوچاں گھن آکے نویں تجربے کریندا نظر آندے۔اوندے اندر شعور د اسمندر نت نویں موتی باہر اُچھل ڈیندے۔ایہا ای وجہ ہے جو 5اگست 2017ء کوں کوٹ ادو اچ تھیون آلے ہک طرحی مشاعرے دے مقابلے وچ آپ پہلی پوزیشن گھن کے ایوارڈ حاصل کیتا۔طارق محسن شاعری دے نال نال نثر وی لکھدن ،انہاںدا ناول ’’ٹکے سیر‘‘زیرِ طبع ہے۔نمونہ کلام حاضر ہے
غزل
لکھوحسن والیں دی من گھدی گئی ہے موت دیوار تے لکھی گئی ہے
میں جو آکھاں پیا ر سچّا ہا عاشقیں دی کڈن سنی گئی ہے
تیڈے رستے کوں راس کیا اَئی ہے اکھ عبادت گزار تھی گئی ہے
خون تھی گئے خلوص دا شاید روح غستان وچ ڈٹھی گئی ہے
تیڈے چہرے کوں ڈیکھ تے لگدے حور جنّت وچوں کڈھی گئی ہے
سال گنڈھ دے اُشا اُتے محسنؔ ہک پتنگے دی زندگی گئی ہے