ضیاء عیسیٰ خیلوی

اصل ناں      ضیاء الحق ملک

قلمی ناں       ضیاء عیسیٰ خیلوی   

جمن           1949ء   

تعلیم           ایم اے ۔بی ایڈ

پیشہ           ریٹائر ایجوکیشن آفیسر  

فون نمبر        03008825879

جاہ پتہ        سکنہ شیخ موسیٰ خیل،تحصیل وڈاکخانہ عیسیٰ خیل ضلع میانوالی

ضیاء عیسیٰ خیلوی دا شمار ضلع میانوالی دے نمائندہ شعراء وچ تھیندے ۔آپ ادبی تنظیم  ’’حلقہ ئِ اربابِ ذوق‘‘ عیسیٰ خیل دے صدر ہن تے آپ دی سربراہی وچ ایہ تنظیم ماشاء اللہ 30سالاں توں فعال کردار ادا کریندی پئی ہے ۔جتھوں تک ضیاء صاحب دی شاعری دا تعلق ہے تاں خوبصورت شاعری کریندن۔ڈوجھیاں صنفاں دے نال نال غزل وی خوب لکھدن ۔کوشش دے باوجود ضیاء صاحب دی صرف ہک غزل میڈے ہتھ لگی ہے۔جو پیشِ خدمت ہے۔

غزل

متاعِ غمِ عاشقی  میکوں  ڈیؤ ہا

میڈے دل دی سجنو خوشی میکوں ڈیؤ ہا

فریبِ وفا میکوں ول ول کے ڈیوو

میں شاعر جو ہاں شاعری میکوں ڈیؤ ہا

کوئی آکھے  لیلیٰ  کوںگھن آوے محمل

میں  ہاں  قیس دیوانگی میکوں ڈیؤ ہا

ہے وقتِ نزع میڈی میّت تے آؤ

خدا واسطے  زند گی  میکوں ڈیؤ ہا

میڈے عرضِ غم تے کیویں ہسدے ہاوے

کر و یاد  او  د ل لگی  میکوں  ڈ یؤ ہا

اسے حسنِ سادہ دی شوخی توں صدقے

میڈا ہوش تے بے خودی میکوں ڈیؤ ہا

میں چاہنداں زمانے دی رفتار بدلاں

انہاں زلفاں دی برہمی میکوں ڈیؤ ہا

تخیّل  میڈے کوں  نواں نور  بخشو

میڈے شعراں دی پختگی میکوں ڈیؤ ہا

سجن  دا  تصور ضیاؔء  اس دی چاہت

ایہو شئے  ہے  بہوںقیمتی میکوں  ڈیؤ ہا