صغیر احمداݨی
صغیر احمداݨی ہک سرائیکی قوم پرست تے دانشور ہے۔
ڄم پل
لکھوصغیر احمداݨی سرکاری رکارڈ دے مطابق 15 اپریل 1970 کوں ضلع دیرہ غازیخان دے علاقے ماݨہ احمداݨی اچ پیدا ثھئے۔
ابتدائی تعلیم میٹرک تک ماݨہ احمداݨی اچ حاصل کیتی
دیرہ غازی خان توں فاضل اردو تے جامعتہ المصطفے لاہور توں سلطان الافاضل دی ڈگری حاصل کیتی۔ جڈاں جو علامہ اقبال اوپن یونیورسٹی توں گریجوایشن دی ڈگری حاصل کیتی
پیشہ
لکھو1989 اچ محکمہ تعلیم اچ بطور استاد ملازمت کیتی۔
ادبی خدمتاں
لکھوماݨہ احمداݨی ہمیش علمی ادبی سرگرمیں دا مرکز رہ ڳئے قیام پاکستان توں وی پیلے ماݨہ احمداݨی اچ علمی ادبی مشاعرے تے محفلاں لڳیاں رہندیاں ھن تے 1960 اچ ماݨہ احمداݨی اچ بزم فیض دی بنیاد رکھی ڳئی ھائی جیندے پہلے صدر صغیر احمداݨی دے ڋاڋا سئیں غلام رسول فیض ھن او زمانہ ماݨہ احمداݨی اچ سرائیکی مشاعریں دے عروج دا زمانہ ھا اوں ویلھے منشی شیر محمد مسݨ ، عزیز محمد عزیز ، اکرم قریشی ، فداالاحمدانی ، محمد خان ممدݨ ، حافظ رسول بخش حافظ ، کریم بخش کریمݨ ، خادم حسین خادم ڋینہ ، ملازم حسین مظہر ، عطاحسین عطا احمداݨی ، عابد حسین اجمل سرائیکی مشاعریں دا آہر کریندے ھن ول ڈھیر عرصہ بعد بزم فیض دا ناں بزم اشرف رکھیا ڳیا تے ایندے وچ وی اوھے سرائیکی شاعر شامل ھن جنیں بزم فیض دی بݨیاد رکھی ھائ 1985 اچ صغیر احمداݨی دے چاچا سئیں فدا حسین احمداݨی جیہڑے فدا الاحمدانی دے ناں نال مشہور ھن بزم اشرف دے صدر رہ ڳئین۔ (فدا الاحمدانی نے 2019 اچ قرآن مجید دا سرائیکی اچ منظوم ترجمہ کیتے او ترجمہ ھالی کمپوزنگ دے مرحلے اچ ھے ان شاء اللہ کمپوزنگ دے بعد قرآن مجید دا منظوم سرائیکی ترجمہ وی چھاپیا ویسی) اوں ویلھے سرائیکی زبان دا ہفت روزہ اخبار "اختر" باقاعدگی نال فدا الاحمداݨی کنوں اندا ھا جینکوں صغیر احمداݨی سمیت اوندے بھرا دے نال نال سوتر ملیر وی سرائیکی دا اخبار شوق نال پڑھدے ھن جیندی وجہ نال صغیر احمداݨی سمیت اوندے پورے خاندان اچ سرائیکی زبان تے وسیب نال محبت پیدا تھائی ایہا وجہ اے جو جڋاں خانپور ضلع رحیمیارخان توں سئیں منیر احمد دھریجہ نے سرائیکی دا پہلا نویکلا اخبار "جھوک" شائع کیتا تاں صغیر احمداݨی ماݨہ احمداݨی توں کوٹ مٹھݨ کشتیں دی پل آلے رستے نال خانپور ونڄ کے سئیں منیر احمد دھریجہ تے سئیں ظہور احمد دھریجہ کوں مبارکباد ڋتی تے ول تقریبا 20 سالیں تک بعذریعہ ڋاک اخبار منگویندا رہ ڳئے
ماہنامہ
لکھوروزنامہ جھوک دی ڋیکھا ڋیکھی صغیر احمداݨی نے سرائیکی زبان دا رسالہ ماہنامہ "سنگھارسرائیکی" جاری کیتا جیہڑا بوجہ سرکاری ملازمت ڋوجھے سال بند کر ڋتا ھانیں۔۔
بزم اشرف نے ماݨہ احمداݨی اچ علمی ادبی مشاعریں کوں عروج بخشا جڋاں بزم اشرف دیاں سرگرمیاں کجھ مٹھیاں تھیاں تاں علم عروض دے ماہر اکرم قریشی نے بزم اشرف دا ناں تبدیل کرتے بزم اکرم رکھ ڋتا تے اوں ویلھے صغیر احمداݨی بزم اکرم اچ شامل تھی ڳیا صغیر احمداݨی نے 1990 اچ بزم اکرم کنوں انج تھی کے سنگھار سرائیکی سنگت دی بݨیاد رکھی تے ماہنامہ سنگھار سرائیکی شائع کیتا ایندے نال نال سنگھار سرائیکی سنگت نے وسیبی شاعریں دی شاعری تے انیں دے حالات تے مشتمل ھک کتاب "وسیبی سخنور" شائع کیتی ایں کتاب دے مؤلف "دلبرمولائی" ھن۔
کانفرنس
لکھوصغیر احمداݨی نے 1990 اچ ماݨہ احمداݨی اچ سرائیکی قومی کانفرنس کرائی ھائی جیندی صدارت سرائیکی قومی موومنٹ دے صدر سئیں حمید اصغر شاھین ہوراں کیتی ھائی اوندے بعد وی صغیر احمداݨی نے اپݨے آپ کوں سرائیکی کاز کیتے وقف کیتا ہویا ہے۔
سیاسی سرگرمیاں
لکھودیرہ غازی خان اچ اپݨی تعلیم دے دوران صغیر احمداݨی دی حمید اصغر نال روزانہ دی ملاقاتیں نے وی صغیر احمداݨی وچ قومیتی شعور اجاگر کرݨ اچ اھم کردار ادا کیتا ایہا وجہ اے جو سرائیکی قوم پرستیں دا کٹھ بھانویں کہیں پارٹی آلے کرن صغیر احمداݨی اوندے اچ ضرور شرکت کریندے۔صغیر احمداݨی نے اپݨی وساخ کوں "سرائیکی ھاؤس" دا ناں ڋتا ہویا اے تے اوندی طرفوں ساریں قوم پرستیں کوں دعوت ہوندی اے جو او جڋاں وی انڈس ھائی وے دیرہ ڄام پور روڈ توں گزرین او ماݨہ احمداݨی سرائیکستان ھاؤس اچ ضرور آون تے صغیر احمداݨی دی دعوت تے سرائیکستان ڈیموکریٹک پارٹی دے چیئرمین راݨا فراز نون سئیں، پاکستان سرائیکی قومی اتحاد دے چئیرمین خواجہ غلام فرید کوریجہ سئیں، سرائیکی ایکشن کمیٹی دے چیئرمین راشد عزیز بھٹہ ، پاکستان عوامی سرائیکی پارٹی دے چیئرمین اکبر خان ملکاݨی ، پاکستان سرائیکی جمہوری پارٹی دے چیئرمین سید مہدی الحسن نقوی ، سرائیکستان قومی کونسل دے چیئرمین ظہور احمد دھریجہ ۔ پاکستان سرائیکی قومی اتحاد دے سیکرٹری جنرل حاجی نزیر احمد کٹپال سئیں ، دخترسرائیکستان محترمہ عابدہ بخاری، سرائیکستان نیشنل فرنٹ دی چیئرپرسن محترمہ اجالا لنگاہ کئی دفعہ تشریف گھن آئین تے ہر دفعہ انیں دی آمد تے پرنٹ تے الیکٹرانک میڈیا دیاں پریس کانفرنساں کرایاں۔
ایندے علاوہ سرائیکستان ڈیموکریٹک پارٹی دے موجودہ جنرل سیکرٹری آصف خان دے نال نال کسان اتحاد رحیمیار خان دے ضلعی صدر محترم ایم ڈی گانگا ، معروف قوم پرست رنما لالہ اقبال ، عبداللہ خان کھتران سید فرحت عباس نقوی ، سید عامر فرید مشہدی ، سرائیکی شاعر عاشق صدقاݨی ، دلبر مولائی، سعید ثروت ، الطاف جابر ، نواز تابش ، رشید اشتر فداحسین صابر وی سرائیکستان ھاؤس ماݨہ احمداݨی اچ مختلف اوقات اچ تشریف گھن آئین تے صغیر احمداݨی اکثر لیڈریں دیاں پریس کانفرنسیں دا اہتمام کریندے رہ ویندن
اولاد
لکھوصغیر احمداݨی قومیتی شعور کوں اپݨی اولاد اچ وی منتقل کریندا پئے ماشاء اللہ صغیر احمداݨی دا وڋا پتر علی رضا احمدانی ایم اے جنرلزم دا سٹوڈنٹ ھووݨ دے نال نال سچ ٹی وی دا بطور تحصیل رپورٹر الیکٹرانک میڈیا نال منسلک اے او سرائیکی وسیب اچ تھیوݨ آلیں پروگرامیں کوں سچ ٹی وی تے تے اوندا شاگرد عزادار احمداݨی وش ٹی وی تے جی ٹی وی تے سرائیکی پروگرامیں کوں ہمیش کوریج ڋیندے رھندن۔ جڋاں جو صغیر احمداݨی دا ڋوجھا پتر میثم رضا ایں ویلھے ایف ایس سی دا طالب علم اے میثم رضا وی اپݨے پیو صغیر احمداݨی دی تربیت دی وجہ توں ان شاءاللہ سچا قوم پرست ثابت تھیسی دعا ھے صغیر احمداݨی تے اوندے فلسفے تے عمل کرݨ آلے ہمیش وسیب دی ترقی سانگے کم کریندے رھن۔۔۔۔ آمین ثمہ آمین