صدقیاہ (عبرانی: צִדְקִיָּהוּ) یہودا دا آخری بادشاہ تے یوسیاہ تے حُموطل دا پتر ہئی۔[١] خدا نے اہل یہودا دے بدکاریاں دے کارݨ اُنہاں کوں بابلیاں دی غلامی وچ ݙے ݙتا۔ نبوکد نضر نے یروشلم تے حملہ کیتا تے بادشاہ یہویاکین (یکونیاہ) کوں اسیر کرکے بابل گھن ڳیا تے اُوندی جگہ متنیاہ کوں بادشاہ بݨایا۔ اُوں نے اُوندا ناں بدل کے صدقیاہ رکھا۔ یہودا دے اُمراء کوں اسیر کر کے بابل گھن ونڄݨ دی وجہ توں اُوں نے خیال کیتا کہ ہݨ باقی یہودی سر نہ چیسن۔[٢] لیکن بعد وچ صدقیاہ نے بغاوت کر ݙتی۔ نبوکد نضر نے اُونکوں پکڑ کے قید کر ݙتا۔ ول اُوں نے اُوندے پتراں کوں اوندے اکھیاں دے سامݨے کوہ ݙتا تے اُوندیاں اکھیاں کڈھا ݙتے، ول اوہ اُونکوں بابل گھن ڳیا جتھاں صدقیاہ مر ڳیا۔[٣] خدا نے صدقیاہ کوں اُوندی بدکاری دے باعث 11 برس حکومت کرݨ ݙتی۔ اوندے بدکاریوں دی تفصیل یرمیاہ ابواب 34–37 وچ درج ہے۔

Zedekiah

حوالے لکھو

  1. 2 سلاطین 24:18
  2. حزقی ایل 14–17:11
  3. 2 سلاطین ابواب 24 اور 25