شہباز شاذر
شہباز شاذر سرائیکی زبان دا شاعر ہے۔
ڄم پل
لکھوبصیرہ ضلع مظفرڳڑھ
کتاباں
لکھو- عشق خوشبو ہے ڈو جہانیں دی
نمونہ کلام
لکھونظم۔۔۔ وینڑ
لکھوگھر بیٹھے ہیں محفوظ نسے
جے باہرو نکلوں گولی ہے
میڈے دیس اچ خون دی ہولی ہے
کوئ کھلدا باہرو نکھتا ہا
ول چوک توں واپس لاش ائ اے
آئ امن دی فاختہ آلھنڑے وچ
کھمنب کھتڑے زخمی زخمی ہئ
چئو گردوں شور ہا کاویں دا
چودھارو جھٹ ہن بازیں دے
سب چیڑیاں سہمیاں سہمیاں ہن
اتھ چمن اداس ویران ڈِسین
ٹنگ ٹنگ تے چبری بیٹھی ہئ
ہا چہرہ زخمی کلیاں دا
سب شاخاں وینڑ کریندیاں ہن
ایہو رو رو ول ول آھدیاں ہن
ایں وار بہار دغا کیتے
ساڈا جرم ڈسائے اساں کیا کیتے؟
شہباز شاذر
نظم۔۔۔ لاشاں
لکھوگھر چپ اے بکھ دے روزے ہن
آؤں چوک تے ماتمی چہرے ہن
کوئ کھلدا ہسدا نی ڈسدا
سب گنگے ڈورے اندھے ہن
نہ سنڑدے کوئ نہ ڈھدا ہے
سب بولنڑ توں وی قاصر ہن
کجھ ٹردیاں پھردیاں لاشاں ہن
میڈے دیس دے ہر ہک چوک اتے
اج آپ پڑھاونڑ آیاں ہن
خود آپنڑے آپ جنازے کوں
ول آپنڑیاں آپ مکانڑی ہن
ایویں لگدے خود کوں مونڈھا ڈے
غستان دو ٹردیاں ویندیاں ہن
اے لاشاں کیندیاں لاشا ں ہن؟
شہباز شاذر