سیلاب 2014ء

ستمبر 2014 وچ کشمیر دے علاقے وچ موسم برسات دی بے پناہ بارشاں نال سیلاب آیا ہئی۔ بھارت وچ مقبوضہ جموں تے کشمیر دے علاقے تے پاکستان وچ آزاد کشمیر، گلگت بلتستان تے پنجاب دے علاقے سب توں زیادہ متائثر تھئے۔ 7 ستمبر 2014 تک بھارت وچ 200 دے قریب جبکہ پاکستان وچ 205 دے قریب لوگ سیلاب دی وجہ نال ہلاک تھئے ہن۔ بھارت دے محکمہ داخلہ دے مطابق ریاست جموں و کشمیر وچ ہزاراں دیہات بارشاں توں متاثر تھئے ہن تے 350 دیہات پاݨی دے تلے ٻݙ ڳن۔ کل 1 لاکھ 30 ہزار افراد کوں سیلاب وچوں کڈھیا گیا جنہاں وچ سری نگر شہر توں 87000 افراد شامل ہن۔ سری نگر دے بہت سارے حصے تے اہم سڑکاں وی زیرِ آب آ گئیاں ہن۔

سیلاب دا سیٹلائٹ ویو

بھارت وچ برسات دے اختتام تے 2 ستمبر توں مقبوضہ جموں تے کشمیر وچ شدید بارشاں شروع تھیاں۔ انہاں بارشاں نال بھارت تے پاکستان دے علاقیاں وچ نہ صرف سیلاب بلکہ لینڈ سلائیڈنگ وی شروع تھی گئی۔ 5 ستمبر کوں سری نگر وچ دریائے جہلم وچ 22.40 فٹ پاݨی گذرݨ لگا جیہڑا خطرے دے نشان توں 4.40 فٹ بلند ہئی۔ اننت ناگ دے ضلعے وچ سنگم دے مقام تے پاݨی دی سطح 33 فٹ ہئی جیہڑی خطرے دے نشان توں 12 فٹ زیادہ ہئی۔ دریائے چناب وچ وی خطرے دے نشان توں اتے موجود پاݨی دی سطح نال اس دے کنارے آباد سینکڑاں دیہات متاثر تھئے ہن۔ قادر آباد، سیالکوٹ، نارووال، گجرات، منڈی بہاؤالدین، گجرانوالہ، حافظ آباد، شیخو پورہ وسطی پنجاب وچ طوفانی بارشاں توں سب توں زیادہ متاثر تھئے ہن۔