سوہݨا سبق

میں تے میڈا مُلیر رلے گورنمنٹ پاٸلٹ سکینڈری سکول رحیمیار خان ٕچ پڑھدے ہاسے۔ جماعت دے وچ زیادہ تر تعداد ٕچ پنجابی بولنڑ آلے ہن۔ اساں کجھ چھوکرے سراٸیکی ہاسے۔ باقی چھوکرے آپس ٕچ پنجابی ٕچ گالھ کریندے ہن تے میں وی باقی سراٸیکی بھراواں نال سراٸیکی ٕچ گالھ کریندا ہم۔ پر میڈا ملیر جھیں نال وی الیندا ہا پنجابی الیندا ھا۔ میں اوں کوں کجھ آکھدا ہم تاں اکھیندا ہا یار اتھاں سارے پنجابی ہن آپاں سراٸیکی ٕچ الیسوں تاں کوجھے لگسوں۔ میں آکھیوم چلو سٸیں تیڈی مرضی۔ ہک ڈھیں چھٹی تھی تے کمرے توں باہر نکلیو سے تے میں کوٸی گالھ کیتوم سراٸیکی ٕچ تے اوں میکوں آکھیا۔ چبل آ کیا توں سراٸیکی الیندیں بندہ تیکوں کٸی دفعہ روکم ایویں چبلی نہ ماریا کر۔ خدا دی کرنی ایجھی تھی کہ اساڈے ہک سراٸیکی استاد محترم پچھوں امدے پے ہن تے سنڑ گھدیو نے۔ انہاں میڈے مُلیر کوں آپ ڈے سڈیوں نے تے میکوں فرمایو نٕے جو توں ونج میں ایندے نال گالھ کرنی ھ۔ خدا جانڑے انہاں پتا نی جو ایجھا کیا آکھیو نے او ڈیھن تے اج دا ڈیھن میڈا مُلیر ایجھا سدھرے جو تونڑیں جتھاں وی میں ہووں سراٸیکی ٕچ گالھ کریندے۔(ملک عمر، ٢١ فروری ١٩)