سونیا ڳاندھی

سونیا ڳاندھی (ولادت: 9 دسمبر 1946ء لوسیانا، اطالیہ)، ہک اطالوی نژاد بھارتی سیاست دان، انڈین نیشنل کانگریس دی صدر تے نہرو ڳاندھی خاندان دی ہک رکن ہن۔ انہاں دی شادی سابق وزیر اعظم بھارت، راجیو ڳاندھی نال تھئی۔ 1998ء وچ انہاں دے پئے دے قتل دے 7 سال بعد انہاں کوں انڈین نیشنل کانگریس دا صدر بݨایا ڳیا، ایں عہدے تے اوہ 19 سال (16 دسمبر 2017ء تک) رہیاں۔ ایں عرصے وچ کانگریس، بھارتی سیاست وچ مرکزی جماعت دی حیثیت نال سامݨے آئی۔