سوجھل دھرتی کانفرنس 2024

چوتھی سوجھل دھرتی کانفرنس ملتان

27,4,2024کلھ ہفتے دی رات کوں ملتان ملک محمود مہہ صاحب دے دیرے تے چوتھی سالانہ ثقافتی سوجھل کانفرنس منعقد تھئ۔سوجھل دھرتی واس اکتوبر 2016 دے وچ فاضل پور وچ وجود آئی ۔ترائے کانفرساں فاضل پور تے چوتھی کانفرنس ملتان وچ تھئی ایں کانفرنس دے اہری سئیںں انجینئر شاہ نواز خان مشوری،ملک محمود مہہ تے عثمان کریم بھٹہ ہن۔کانفرنس بہوں کامیاب تھئی ۔ایں کانفرنس وچ پورے سرائیکی وسیب توں تعلق رکھن والے دوست موجود ہن۔ہجوم دی وجہ توں دوست کرسیاں دے علاوہ کھڑ تے پروگرام سنیا۔مختلف شعبئہ زندگی توں تعلق رکھن سیاسی،سماجی،شاعر،نثر نگار،ادیب تے تاریخی لوکاں نے کانفرنس وچ شرکت کیتی۔شاعر،نثرنگار تے پروفیسر رفعت عباس،ڈاکٹر غلام اصغر خان،الیاس قدیر،رانا محبوب اختر،اصف کھیتران،ڈاکٹر پروفیسر تے سابقہ ڈائریکٹر ریڈیو اسٹیشن سئیں خالد اقبال صاحب،پروفیسر اکرم میرانی ،لالا اقبال بلوچ،واجد اجو جاوید شانی،ایاز محمود دھریجہ ،اسلامیہ یونیورسٹی بہاولپور دے شعبہ سرائیکی دے لیکچرر خوبصورت دوست اطہر لاشاری صاحب ،اشرف کھوسہ دے نال نال عبدالباسط بھٹی صاحب وی موجود ہن۔پہلے پہل نقابت دے فرائض عثمان کریم بھٹہ نے فرائض سر انجام ڈتے۔آپ نے تمام معزز مہمانیں جنہیں وچ سرائیکی زبان وادب تے تحریک واسطے کم کرن والے شخصیات سئیں ظہور احمد دھریجہ ،لالا اقبال بلوچ،سابق ڈین فیکلٹی آف آرٹس اینڈ لائینگویجز اسلامیہ یونیورسٹی بہاولپوراستاد محترم ڈاکٹر جاوید حسان چانڈیو صاحب دے علاوہ سادی شخصیات مہر ارشاد سیال وغیرہ کوں سوجھل کانفرنس وچ خوش آمدید اکھیا۔تلاوت قرآن پاک دی سعادت قاری جعفر سلطانی کوں نصیب تھئ۔سید فہیم ساجد نےسید شمیم عارف قریشی صاحب دی کافی پڑھی جیندے شعر اے ہن

اساں خلق کوں روز سلام کیتے

اساں رب دے نال کلام کیتے۔۔۔۔

کافی دے بعد استاد ملنگ بہاولپوری ،ممتاز ،سلطان تے قاسم نے نوبت پیش کیتی تے دوستیں نے جھمر پیش کیتی۔بی زیڈ یو ملتان دے پروفیسر اقبال صاحب نے سب مہمانیں دا شکریہ ادا کیتا مزید آپ نے آکھیا کہ سرائیکی اساڈی قدیم زبان ہے ایندی الگ پہچان ہے الگ شناخت ہے۔مزید آپ نے اپنا کلام وی پیش کیتا۔سردار شہزاد خان دریشک نے سرائیکی ادبی تنظیم تے کٹھ سوجھل دھرتی واس دا ایجنڈا پیش کیتا۔عثمان کریم بھٹہ نے اسلم رسولپوری صاحب دے بال پروفیسر وقار اسلم صاحب جہیڑے فلسفہ دے پروفیسر ہن انہاں کوں سٹیج تے آون دا آکھیا۔اپ نے سرائیکی ادب ثقافت دے نال نال کبیر بھگت دی بھگتی تحریک بارے گالھ کیتی۔مزید آپ نے آکھیا کے اساں اپنے کٹھیں وچ او گالھ کرن چاہندے ہہئیں جیہڑیاں اساکوں تاریخ دیاں کتابیں وچ نی ملدیاں اگر ملدیاں وی ہن تاں او کوڑ تے مبنی ہن۔عثمان کریم بھٹہ نے ایں کانفرنس کوں اگی تے ٹرن کیتے اپنا ہمسفر پروفیسر سبطین گوپانگ کوں سٹیج سیکرٹری دے فرائض سر انجام ڈیون واسطے سڈیا۔اپ نے اپنے والد صوفی تاج گوپانگ سئیں دی حاضری دے طور تے کلام پیش کیتا۔

اکھیاں اڑسن دلڑیاں بکسن دھرتی دی تاثیر تے

آپ نے ملک محمود مہے کوں اپنے خیلات دے اظہار کرن واسطے سڈیا۔اپ نے ملتان کوں پنج ہزار سال پرانا بڈھا شہر آکھیا کے اج او جھمدا کھڑے۔مزید آپ نے آکھیا کے پہلے وقت وچ ملتان لوک آندے ہن تاں او غسل کر تے آندے ہن تے اج تساں جھمر کھیڈ تے زندگی دا ساتھ ڈتیوے۔محمود مہہ دے بعد علی حسن بھپلا نے اپنے ڈاڈے اقبال حسن بھپلا دا کلام پیش کیتا تے ول اپنا کلام پیش کیتا۔آفتاب اویڑہ تے محسن ڈونہ سئیں نے اپنے فن دا مظاہرہ پیش کیتا۔آپ ڈوہیں نوجواناں نے طارق سئیں دی غزل

اڈ باز گیوسے اڈ باز گیوسے

نہ ملیوسے نہ ملیوسے

بن رول رولیسے بن رول رولیسے

نہ ملیوسے نہ ملیوسے۔

آفتاب اویڑہ تے محسن ڈوانہ دی حاضری دے بعد ڈاکٹر پروفیسر شاعر ساحررنگپوری نے حاضری ڈتی۔ساحر رنگپوری دے بعد جھنگ توں تعلق رکھن والے شاعر یاسر رنگپوری نے سامعین کوں اپنے کلام نال محظوظ کروایا۔ اختر حسن خان گورچانی سئیں نے اپنے خیالات دا اظہار کریندیں ہوئیں سوجھل دھرتی واس دے منتظمین کوں ایں پروگرام کوں کرن تے مبارکباد پیش کیتی۔مزید آپ سرائیکی صوبہ دے قیام وچ مختلف فکر دے دبستان دخل ڈیندن جیویں جو کجھ اھدن سرائیکی صوبہ ہووے تے کجھ اہدن بہاولپور ،لیکن اساکوں ہک گالھ سرائیکی تے متفق تھیونا چاہیدا ہے۔مزید آپ نے آکھیا کے ایں دھرتی تے عاشق بزدار ،تاج گوپانگ تے شاکر سنویں عظیم تخلیق کار پیدا تھن۔اپ دے بعد سبطین گوپانگ نے اشفاق ندیم ڈھلوں کوں اپنی شیلڈ وصول کرن واسطے سڈیا اے شیلڈ انہاں کوں اختر حسین خان گورچانی نےپیش کیتی۔سبطین گوپانگ نے محسن سرائیکی سئیں ظہور دھریجہ صاحب کوں اپنے خیال واسطے اسٹیج تے سڈیا تےاپ نے پہلے شاہنواز مشوری تے محمود مہہ کوں مبارک پیش کیتی تے بعد وچ سرائیکی عوام کوں حقوق تے شناخت نہ ملن دی گالھ کیتی۔مزید آپ نے آکھیا کے جے تئیں اساں مسئلہ کیناں بنسوں اساکوں صوبہ نہ ڈیسن۔ سبطین گوپانگ نے نوشین فاطمیہ کو سٹیج دے فرائض سر انجام ڈیعن کیتے سڈیا آپ نے لاریب الہان کوں اپنی حاضری پیش کرن کیتے سڈیا تے انہاں نے اپنی حاضری پیش کیتی۔ نوشین نے نوجوان شاعر بھکر تعلق رکھن والے نوشیروان اسفند کوں اپنی حاضری پیش کرن واسطے سڈیا تے انہاں نے اپنی حاضری پیش کیتی۔

کڈیں رحمان دے دشمن

کڈیں شیطان دے دشمن

تیڈی خاطر بنیے رہ گئے ہیں

ہر انسان دے دشمن

رابعہ عمران ،نزرفرید بودلہ،حسنین اقبال نے وی اپنی حاضری پیش کیتی۔حسنین اقبال دے بعد صدارتی ایوارڈ یافتہ فنکارہ راحت ملتانیکر نے خواجہ غلام فرید دیاں کافیاں پیلوں پکیاں نی وے ،

اساں کنوں دل چایو وے یار

جاہ پے کیتھاں ونج لائیو وے یار

پیش کیتا تے سامعین خواجہ سئیں دیاں کافیاں تے رقص کریندے رہیے۔خوبصورت شاعر اسحاق علیم نے اپنی حاضری پیش کیتی تے اپنی نظم محبت ثانوی شئے ہے سنائی۔سید رمیز الحسن نے اپنی غزل پیش کیتی۔شاہد عالم شاہد نے سوجھل دھرتی واسیاں د شکریہ ادا کر تے اپنا کلام پیش کیتا۔آپ نے آکھیا کے پرہلاد دے شہر پرہلادیاں توں جھمر مروا پروفیسر جاوید چانڈیو توں رقص کرا پر ہلاد کوں خوش کر ڈتے۔آپ نے آکھیا کے سرائیکی کانفرنس ہے جتھاں ترائے چار واری جنوبی پنجاب دا ناں گھدے اے ساکوں اچھا نی لگا تے بائیکاٹ نی کیتااے صرف محمود مہے دی وجہ توں،مزید آپ نے آکھیا کے اگر صوبہ چاہندے وے تاں متفق تھیوو۔اصغر گورمانی نے کامیاب سوجھل کانفرنس کراوان تے سوجھل دھرتی واسیاں خاص طور محمود مہہ تے شاہ نواز مشوری کوں مبارک پیش کیتی۔اصغر گورمانی دے بعد انقلابی شاعر سئیں جہانگیر مخلص صاحب کوں سوجھل ایورڈ سئیں عاشق بزدار تے عبدالباسط بھٹی صاحب نے پیش کیتا۔مزیدآپ نے اپنا خوبصورت کلام پیش کیتا۔جہانگیر مخلص دے بعد افکار علوی نے اپنی حاضری پیش کیتی۔اپ نے اپنی نظم مرشد پڑھ تے سامعین توں داد گھدی عفیفہ عبد الحق تے محترمہ راشدہ فرحان بھٹہ نے وی اپنا کلام پیش کیتاتے خطاب وی کیتا۔ ۔ نیشنل تحریک دے اگوان آصف خان سپیشل سوجھل کانفرنس وچ شرکت کرن واسطے کنیڈا وچوں تشریف گھن ائے۔اپ نے آکھیا کے اساں ہکو کجھ ہیں ۔مزیدآکھیا کے نوجوان کوں نویں سیاست وچ آونا چاہیداہے۔اخیت وچ آپ نے 15اکتوبر کوں سرائیکی ترجمے ڈے مناؤں دے نال شاہنواز مشوری دا شکریہ ادا کیتا۔نظم دے شاعر مہر بلاول نے اپنی حاضری پیش کیتی۔ظہیر مہاروی نے اپنیاں خبصورت غزلاں پڑھ تے سامعین توں داد حاصل کیتی۔غزلاں دے مطلعے ڈیکھسو

کہیں دی غربت د پردہ رکھیندا تاں ہے

یار آون توں پہلے ڈسیندا تاں ہے ۔۔۔۔۔

گھر ونج گیا نئیں

جیا،جیا،جیا نئیں

مخمور قلندری شاعری پیش کرن توں پہلے اے کیا کے اساں ڈیرہ تے ٹانک والے تہاڈے وسیب دا حصہ ہیں تے اساں سرائیکی اتھ بہوں مشکلات وچ ہیئں۔آخری شاعر خالد ندیم شانی ہن۔اخری خطاب سئیں خوبصورت شاعر تے مقرر سئیں عاشق بزدار صاحب دا ہا۔اپ نے آکھیا کے پروگرام دی طوالت تھی گئ ہے۔اور ایں پروگرام کوں دوں راتیں وچ ڈیوائید کیتا ونجے تاں بہتر ہوسے۔اخر وچ آڈو بھگت سئیں دی ٹیم نے پچھلے پہر پرفارمینس کیتی ۔ فقیر کامیاب سوجھل کانفرنس کرواون تے شاہنواز خان مشوری تے ملک محمود مہہ صاحب کوں مبارک ڈینداں اللہ پاک آپ سب دوستاں کوں خوش رکھے آباد وشاد رکھے جزاک اللہ شکریہ

                     ارشد آمشام