سوامی ستیامتر آنند

سوامی ستیہ متر آنند (انگریزی: Swami Satyamitranand) (ولادت: 19 ستمبر 1931ء، وفات: 25 جون 2019ء) ہندو گرو ہن۔ انہاں دی ولادت آگرہ (اتر پردیش، بھارت) وچ تھئی تے انہاں دا پیدائشی ناں امبیکا پرساد ہئی۔ جیوتی مٹھ وچ انہاں کوں جگت گرو شنکر آچاریہ دے اعزاز نال نوازا ڳیا۔ جون 1969ء وچ دنیا بھر وچ سناتن دھرم دی تبلیغ کرݨ کیتے انہاں نے اپݨے جگت گرو شنکرآچاریہ دے اعزاز توں دستبرداری گھن گھدی کیونکہ اوں وقت کہیں وی شنکرآچاریہ دا بھارت وچ رہݨ ضروری ہوندا ہئی۔ اوہ بھارت ماتا مندر (معبد)، ہردوار دے مؤسس وی ہن جیندا افتتاح وزیر اعظم اندرا ڳاندھی نے 15 مئی 1983ء وچ کیتا ہئی۔

انہاں نے سماویہ سیوا تنظیم دی بنیاد وی رکھی۔1988ء وچ قائم کردہ ایں تنظیم دا مقصد پہاڑی علاقیاں دے قبائلی لوگاں کوں مفت تعلیمی تے طبی سہولیات مہیا کرنا ہئی۔ انہاں نے دنیا بھر وچ سماویہ پریوار، سماویہ کوتیر تے کئی آشرم کھولے تے متعدد سماجی، روحانی تے مذہبی پروگراماں دا انعقاد کیتا۔ انہاں نے گزشتہ پنج دہائیاں وچ دنیا بھر دا سفر کیتا تے کئی ممالک وچ انہاں دے مریدین دی ہک بڑی تعداد ہے۔ اوہ اہم ملک جتھاں انہاں دے مریدین کثرت نال پائے ویندن، یوگنڈا سمیت افریقا دے کئی ممالک، انگلستان، جرمنی، سویزر لینڈ، نیدرلینڈز، ریاستہائے متحدہ امریکا، کینیڈا، آسٹریلیا، جاپان، انڈونیشیا، ملائیشیا، ہانگ کانگ، تھائی لینڈ، سنگاپور، فجی، موریشس تے فلپائن ہن۔