سلیمان شاہ

سلیمان شاہ قتلمش دا پتر تے ارتغل غازی دا پیو تے عثمان اول دا ݙاݙا ہئی۔انہیں دا تعلق اوغوز ترکیں نال ہئی سلیمان شاہ دا مزار قلعہ جعبر دے اندر یا کتھائیں نال ہے پیا

ڃم

سلیمان شاہ سنہ 1162 عیسوی اچ ڃمیے ہن

ناں تے نسب

سلیمان شاہ دا ناں سلیمان بن قائی الپ تے آپ دا تعلق قائی قبیلے نال ہئی

تفصیل

تیرہویں صدی دے شروع اچ شاہان خوارزم دی قوت بہوں زیادہ ہئی او ایران،خراسان،شام تے عراق اچ سلجوکیں دے کئی جگہیں تے قبضے کر ڳئے انہیں دا منصوبہ ایشیا دی ساری مسلم سلطنتیں کوں حاصل کرݨا ہئی اوہ اڃاں تیار ہی ہن کہ چنگیز خانی دے طوفان نے خوارزمی شاہی سلطنت کوں منصوبیاں سمیت غرق کر ڈتا اونہہ سلطنت دی تباہی توں بعد ترک قبائل لمے تے بھڃے ایندے اچوں بعض تاں شام تے ایران پہنچن تے اتھاں اقتدار حاصل کیتونے تے ترکمانی سڈیڃے۔کڃھ ایشیائے کوچک اچ سلجوکیں نال آ ملیے انہائیں قبیلیاں اچ عثمانی ترکیں دے آباؤاجداد دا قبیلہ وی ہئی جہرا اوغوز قبیلے دا ہک حصہ ہئی اینہہ قبیلے دا سردار سلیمان شاہ ہئی ہک روایت دے مطابق اے خراسان دے شہر ماہان اچ آباد تھیا لیکن منگولیں دے حملے دی وجہ اتھوں نکل کے پچاہ تے نکل گئے

اناطولیہ اچ آباد

سلیمان شاہ تیرھویں صدی اچ ایران آئے تے اتھوں اپݨے قبیلے دے نال اناطولیہ روانہ تھئے جتھاں سلجوکیں دی حکومت ہئی سلیمان شاہ منگولیں دے دشمن ملک ونجݨا چاہندے ہن سلیمان شاہ اٻھے اناطولیہ دے شہر اخلاط پہنچے۔اخلاط دے حاکم نال تعلقات ٻہوں چنگے ہن لیکن جہلیں منگولیں دا حملہ دا پتا لڳیے تاں اڳاں روانہ تھی پئین قبیلے سمیت۔اخلاط دے رہوݨ ویلے سلیمان شاہ تے اوندے قبیلے نے اخلاط اچ بہوں ناں بݨائیے لیکن خوارزم شاہ دا مددگار تے حامی ہووݨ دی وجہ توں منگولیں دا خطرہ ہا اس واسطے اپݨے قبیلے دے نال سنہ 1221 عیسوی اچ اخلاط چھوڑنا پئے ڳئے

کارنامے

• جہرے وقت سلیمان شاہ تے اوندے قبیلہ اخلاط اچ ہئی تاں انہیں ایہہ کم کیتے
• اٻھے دے مسیحی دہشت پسند گروہ جہرا اتھاں آ کے چوریاں کریندا ہا اوکوں سلیمان شاہ تے اوندے قبیلے ختم کیتا
• اخلاط اچ امن قائم کیتے نیں
• اٻھے دے بازنطینی سلطنت جیندا مرکز طربزون ہئی انہیں نال ٹکر گھدی بازنطینی کوں ہرایا
• اینہہ دور اچ انہیں سلجوک بادشاہ دی مدد وی کیتی

موت

اخلاط توں بعد سلیمان شاہ تے اوندے قبیلے نے حلب دی طرف ڳئے تھوڑا عرصہ اتھائیں رہ تے سفر چلدا پیا ہا تے سلیمان شاہ دریا ٹپدیے ہوئیں فوت تھی ڳئے تے انہیں دا مزار وی اتھائیں بݨایا ڳیا ایہہ مزار ہݨ ترکی دے ہتھ اچ ہے اینکوں 1970 ہک جگہ توں ٻئی جگہ منتقل کیتا ڳیا۔

اولاد

سلیمان شاہ دی کوئی ڊھی کائنا ہئی تے چار پتر ہن ارتغل بے سگرتگین بے گلدارو بے دندار بے