سرائیکی شناخت
سرائیکی سڈویجنڑ تیں سرائیکی بڑنڑ ءچ بہوں وڈا فرق ہے جیرھے لوک سرائیکی سڈویندن انھیں دی تعدا کروڑاں ءچ ھے جیرھے صیح سچ دے سرائیکی بنڑئن انھیں دی تعداد انگلیں تیں گنڑی ونج سگدی ھے کیونکہ سرائیکی بڑنڑ ءچ نراء گھاٹا ھے نہ کہیں پارٹی دے راھندے ھاؤ نہ میلے ٹھیلے تیں مشاعرے دا ناں گھن کے پیسے وصول کر سگدے ھاؤ نہ کہیں سردار وڈیرے دی چاپلوسی کر کے نوکری حاصل کر سگدے ھاؤ نہ کہیں پیر گدی نشین سردار دی جاہ تے بیھ کے نکے نکے مشاعرے کر سگدے ھاؤ اگر صرف سرائیکی سڈویندے ھاؤ پچھیں تھاکوں چُھوٹ ھے جو مرضی کرو ،ایں نکے جھئیں لوظ دی میڈی قوم کوں اج تک سمجھ نئیں آئ کہ جیرھا بندہ ڈینھ رات سرائیکی سرائیکی لئ ودے اوترا سرائیکی ھے یا سڈویندا سرائیکی ھے ،جڈاں غور نال ڈیکھسو 99 فیصد ایھو جھئیں ملسن جیرھے صرف ذاتی مفاد کیتے کہیں سیاسی جماعت دے جُتی چُم غلام ہوسن تے چولا سرائیکی دا پاء کے مناقت کریندے ودے ہوسن اے انھائیں منافق ابن منافق لوکیں دی وجہ ھے کہ سرائیکی وسیب اج ایں حالت ءچ ھے ھووے سرائیکی سڈویجے قوم پرست اوندی جاہ تیں جھنڈا پیپلز پارٹی دا لگا کھڑا ھووے او صرف دوکھے باز خود غرض لالچی تھی سگدے قوم پرست نئیں تھی سگدا میڈا زھن اے گال منڑ کوں تیار ہی کائینی کہ قوم پرست تھی کے آپڑیں جاہ تیں نواز شریف دا فوٹو لاوے نہ بھرا اے لوک قوم پرست دے روپ ءچ درندے ہن جنھیں میڈے وسیب دا خون پیتے اے او منافق ہن جنھیں سجا ہتھ ڈیکھا کے کبھا ماریے ، کہیں مشاعرے تیں ونجو میلے تیں ونجو اوندے سٹیج تیں دید ماری کرو اگر کہیں سیاسی پارٹی دا جھنڈا نظر آ ونجے سمجھ ونجائے کُتی چُوریں نال رلی کھڑی ھے لعنت بھیج کے ولیے آوائے ،،،،،،جمیل حیدری