سرائیکی زبان دے ماخذ

،تے این٘دے جنوب وچ برصغیر دے دکن والے پاسے ھِک وَݙا سارا خشک علاقہ ہا،جہڑا جو افریقہ،سری لن٘کا تے آسٹریلیا تئیں درگھیا ہویا ھا تے ایہ سارے مُلخ ھک ٻئے نال ملیے ہوئیں ھن.آسٹریلیا دے قدیم ترین باشن٘دے آسانی نال آسام تے بن٘گال دے راہوں برصغیر وچ داخل آتھئے ھن.تے ول وَدھدے وَدھدے وادی سن٘دھ توڑیں آپُنّے..اُوں وقت ایہ قدیم سمن٘در وادی سن٘دھ دی مٹی کُوں زرخیز بݨیندا ہویا،جنوب دو لَہہ ڳیا..آسٹریلیا کنوں اے آوݨ والے لوک سنتھالی،گونڈ،بھیل،کول وغیرہ سݙیندے ھن.سنتھالیاں دی زبان اَڄ وی آسٹریلیا دے قدیم باشن٘دیاں دی زبان نال مشابہت رکھین٘دی اے.بہرحال وادی سن٘دھ وچ سنتھالی تے کولازی قوماں دے کمزور،ڈِھلّے،آلسی تھی ونڄݨ نال وادی سن٘دھ وچ تقریباً آٹھ ہزار سال قبل مسیح وچ ایں برصغیر وچ دراوڑ قوم فاتحین دی حثیت نال داخل آتھئ..عام طور تے ماہرین لسانیات نے جہڑے سرائیکی زبان دے ماخذات ݙَسائے گئن او حسب زیل ھن.

١.دراوڑ

٢.اسوری

٣.سنسکرت

٤.پالی

٥.دردئ

٦.وارچڈ

٧.شورسینی

٨.ماگھدی

٩.عربی

١٠.فارسی

١١.انگریزی

١٢.سن٘دھی

١٣.بلوچی

١٤.پشتو

1)*دراوڑی: وادی سن٘دھ وچ آٹھ ہزار سال قبل مسیح وچ دراوڑ قوم فاتحین دی حثیت نال داخل تھئ.آہدن جو دراوڑ قوم بحیرہ روم دیاں قوماں وچوں ھن.ول اتھوں میسوپوٹیما،عراق،عرب،بلوچستان کنوں تھین٘دےوادی سن٘دھ وچ آوڑیےھن.ایہ قوم مقامی لوکاں کنوں کافی مہذب تے طاقتور ھئ.انہاں نے موہنجوڈارو تے ہڑپہ دی مشہور تہذیب قائم کیتی.ایں گالھوں مقامی لوک دراوڑاں دے مفتوح تے محکوم تھی تے رہ گئے.دراوڑاں نے ایں علاقے تے کافی دیر حکومت کیتی رکھی تے اپݨی زبان تے تہذیب کوں ترقی ݙتی.