سرائیکی دے خلاف سازش
ما ٻولی دے عالمی ݙیہاڑے دے موقع تے کراچی سمیت پورے وسیب وچ اپݨی مادری زبان سرائیکی نال پیار کرݨ آلیاں نے بھرپور پروگرام کیتن جیندے کیتے تمام دوستاں کوں دلی مبارکباد قبول تھیوے. ݙوجھے پاسے سرائیکی زبان کوں مٹاوݨ کیتے سامراجی قوتاں وی پورا زور لائی پن. افسوس ایں ڳالھ دا ھ کجھ اساݙے مہر بان اتے مہاندرے دانشور اتے شاعر سیاسی طور تے سرائیکی قومیتی تحریک کوں جنوبی پنجاب وچ تبدیل کرݨ اتے سرائیکی زبان کوں پنجابی دا لہجہ ثابت کرݨ وچ اپݨے ذاتی مفاد دی خاطر سرکاری مؤقف دی حمائت دا باعث بݨدے پن. ڈاکٹر اشو لال فقیر سئیں دا ناں صدارت وچ شامل ہائی مگر او شریک نی تھئے مگر عمران شاکر مہروی، مظہر نیازی اتے ٻے مہرباناں ایں پروگرام وچ شامل تھی کراہیں وسیب اتے اپݨی ما ٻولی نال غرداری کیتی ھ جیندی سخت مذمت کریندوں. وسیب اتے ادبی تنظیماں انہاں دی معذرت آنوݨ تک ہر قسم دا بائیکاٹ کرن. ایں موقعے تے سرائیکی کو پنجابی زبان دا حصہ بݨاوݨ دی سازش وچ شریک نہ تھی کراہیں سرکاری پیشکش اتے پنجابی ایوراڈز کوں تھک مارݨ تے سئیں رفعت عباس، عزیز شاہد، جہانگیر مخلص، پروفیسر عامر فہیم، اقبال سوکڑی سمیت سب دی عظمت کوں سلام پیش کریندوں.
عبید خواجہ (٢٢ فروری ١٩)