سرائیکی خطوط

اَڄ رَڄ درشن تَھئن، راڄنپور دا ماݨ، تاریخ ساز ہَستی، باکردار سیاست دان،سرائیکی مُحقق، دانشور، مہان شاعر سئیں عاشقؔ خان بُزدار نال علمی، ادبی، ثقافتی ڳالھ مُہاڑ تَھئی سردار مُنور خان بُزدار دےمُحابے، رَڄ سبق گھیدوسے، سُکھ چَین دےسائےتَلےٻیٹھےرہ ڳیوسے، جناب عاشق خان دی بےبہا مُحبت جو اُنہاں، ناچیز دی ارداس سُݨی تے، داد رسی کیتے. ایم. پی. اے اشرف خان رند، ، ایم پی اے، و مُشیرصحت حنیف خان پتافی،

ایم پی اے، مُحترمہ شازیہ عابد صاحبہ، عام آدمی تحریک دی روح رواں مُحترمہ راشدہ فرحان بُھٹہ صاحبہ، کُوں غازی یونیورسٹی ڈیرہ غازیخان ءچ تھیوݨ والی ناانصافی دےبارےآگاہ کیتابلکہ ایں اہم ایشو تے آواز اُٹھاوݨ سانگےآکھیا، جو غازی یونیورسٹی ڈیرہ غازی خان ءچ بی.ایس سرائیکی تےایم. اے سرائیکی دی منظوری دےباوجود داخلے نہ ملݨ،پراسپکٹس ءچ مطلوبہ سرائیکی شُعبہ شامل نا کرݨ تے وسیب دےطالب علماں، دے حقوق کُوں غصب کرݨ تےوان٘جھ اُتے اپݨی آواز اُٹھاوِن نا صرف بلکہ فی الفور داخلے ممکن ٻݨائےوَن٘ڄن، این٘دے نال ایم پی اے گزین عباسی وان٘گ اپݨے ڈویژن کیتے سرائیکی لیکچرار، سیکنڈری، ہائیرسیکنڈری اساتذہ دے بھرتی واسطے اپݨے اثر و رسوخ کُوں ورتاوِن تے وسیب دے دیرینہ مطالبےکوں پورا کر کےوسبےدے واسیں کنوں سُرخرو تھیون تے تعلیم یافتہ نینگریں سانگے روزگار دےمواقع بݨاون، 

""وَسبےدا راجہ"" جیویں پیاسَتھ سارے دا سردار آ شالا وَسدی رَہی جھوک بُزدار آ تیݙےنال ہِے رُوح دا ڳانڈھا اینجھاپیار تے اینجھاسانگا اے سارے اکھرعاشقؔ تیڈے ناویں سُکھی صحت ھووی وسدا راہویں ڄاݨےبھانویں نا ڄاݨے نویؔد او ڄاݨے میڈی اےدُعا سَنگت داپیار ہَنڈھا نِت ہار پُھلاں دے پانویں جیوےوسیب، جیوےعاشق بُزدار آمین، ،