سرائیکی تے منڈاری

سرائیکی تے منڈاری دے تاریخی رشتے

منݙاری زبان منݙاری قبائل دی ہک مشہور پراݨی زبان اے ۔جیندا پراݨے آسٹرو ایشیاٹک قبائل نال تعلق اے ۔منڈا قبائل اڄ کل مشرقی ہندستان ۔بنگال ۔۔بہار ۔۔۔جھاڑ کھنݙ وچ آباد ھِن تے منڈاری 42لیں رہاستیں وچ بولی ونجݨ دے علاوہ جھاڑ کھنڈ دی سنتھالی دے بعد ݙوجھی وݙی زبان ہے۔

اسٹروایشیاٹک قبائل ھک زمانے وچ جیرھا تقریباً 10ہزار سال قبل مسیح دے نیڑے تیڑے ہا سارے ہندستان وچ کھنڈ ڳئے ھَن اَتے اُنھیں دے وچوں منݙا قبائل وادی سندھ وچ دراوڑیں دی آمد کِنوں پہلے آباد ھَن اَتے اِیتھوں دے پراݨے نیگرائیݙ نال رہندے پئے ھَن ۔۔۔۔منݙا قبائل دی قدیم منݙاری زبان وادی سندھ دے بیشتر علاقے وچ کہیل اَتے بھیل وغیرہ اَلیندے ھَن جیرھے زیادہ تر سرائیکی وسیب وچ مختلف شکلیں نال ارتقا کریندیں ہوئیں موجودہ شکل اختیار کیتی ۔اَڄ وی منݙاری زبان دی کافی لغت اپݨے اندر رکھدی اے ۔اَتے ایندے علاوہ سرائیکی وسیب وچ بہوں ساریاں رسماں ھَن تائیں رہن۔تئیں دیہاتی علاقیں وچ اوہے ھِن جیرھیاں منڈاری زبان بولݨ والے قبائل وچ رائج رہن ۔اِت واسطے سرائیکی تے منݙاری زبان دے درمیان سب کِنوں پراݨا تاریخی اَتے لسانی رشتہ اے ۔جیندا اِتھاں مختصر جائزہ گھدا ڳئے ۔

حوالے

صفہ نمبر 11 لسانی مضامین اسلم رسول پوری ماہرین لسانیات محقق تے تحقیق دان