سرائیکی تحریک تے ادیب

سرائیکی خطے دے شاعریں ۔ادیبیں ۔صحافیں۔ دانشوریں سیاسی کارکنیں کوں 9 لکھ مبارخاں 20 دسمبر دا سارا ڈینھ قومی اسمبلی وچ سرائیکی مسئلہ ہی زیر بحث رہ گئے اساڈے ایں مسئلے کوں اہمیت نہ ڈیونڑ والے ڈیکھ گھنن جو محترم میر حسان الحیدری ۔ مفکر سرائیکستان بابا راز جتوئی ۔ریاض ہاشمی ۔تاج محمد خان لنگاہ ۔استاد گاڈی ۔ سیٹھ عبیدالرحمان ۔ حمیداصغر شاھین ۔سرفراز نون ۔آصف خان ۔غلام فرید کوریجہ ۔منان رفیق چوھدری ۔ نذیر لغاری ۔ ملک غفور ۔ملک ظہور ۔ملک اجمل مسن ۔ عاشق خان بزدار ۔ظہور دھریجہ ۔سید انیس شاہ جیلانی ۔اکبرملکانی ۔اسلم رسولپوری ۔ ۔خواجہ عبیدالرحما ن ۔راشدعزیز بھٹہ ۔عمرعلی خان ۔علامہ رحمت اللہ طارق ۔ ۔ملتان دے سارے مہاندرے مظہر عارف, زمان جعفری, رضو شاہ, منصور کریم, اکرم میرانی, شمیم عارف قریشی ۔ دیرہ ادماعیل خان دے سعید اختر مزار خان لشاری، ملک علی آصف سیال، ایڈوکیٹ ہارون اعوان، ملک خضر حیات ݙیال، طفیل علیزئی، شاہد عطا کھیارا، سیف اللہ بیقرار، اکرم ݙیوالہ، معوز ارائیں، سلیم شہزاد سابقہ دور اچ شائستہ خان بلوچ، حزب اللہ خان بلوچ، بلنداقبال بلوچ، یونس تھہیم ایڈوکیٹ، عرفان لغاری، عرفان ھوت، امیر زادہ ھوت. محمد یونس ھوت، ظہور دمانی شہید، ملک اسلم کھوکھر شہید، ندیم موہن شہید ۔ فاضل پور ۔خانپور چوٹی بالا ۔چ3وٹی زیریں ۔بہاولپور ۔جام پور تو نسہ ۔دیرہ اسماعیل خان دے سارے مہربان ۔ ہر سرائیکی دی کوشش ۔ وسیب دے سارے شاعریں ۔ادیبیں۔صحافیں ۔دانشوریں ۔سیاسی کارکنیں تے سوشل میڈیا تے کاز دے نال محبت کرنڑ والے ایکٹیویسٹیں دی محنت ۔ محبت ۔ جدوجہد کوں اللہ رنگ لاتے ۔ اے ٹھیک اے جو منزل حالی ڈھیر ڈھیر ڈھیر پرے ہے ۔ پر فی الحال اے وی گھٹ نی جو قومی اسمبلی وچ ہر جماعت کہیں نہ کہیں شکل وچ ایندی حمایت ضرور کیتی اے ۔ الحمد للہ سرائیکی قوم ثابت کیتے جو او ہک مہذب ۔پُرامن ۔تے سولائزڈ قوم ہے وقت ثابت کیتے جو محنت بیکار نی ویندی ہوندی تے استقامت منزل اسان کر ڈیندی اے ۔اے وقت ہے مزید محنت تے مزید استقامت دا ۔ اساں ہر حال وچ آپڑیں تشخص تے نقشے دے مسئلے تے ڈٹیے رہوں ۔جمیے رہوں ایں مسئلے کوں چاتی رہوں ۔کوئی ہیرا پھیری قبول نہ کروں ۔ جدوجہد دیاں ساریاں۔شکلاں اختیار تے استعمال کروں اساں وطن وچ باعزت بھائیوالی دے طلبگار ھیسے

پاروں ڈِسدی جھوک رانجھن دی کیوں رھساں اُروار اجھو مارُو مِلیو دل نہ ماندی تھی

(مجاہد جتوئی)