دستخط

سلیمان اول (المعروف سلیمان قانونی تے سلیمان اعظم) (عثمانی ترکی زبان: سلطان سليمان اول، ترکی: I. Süleyman یا Kanunî Sultan Süleyman) سلطنت عثمانیہ دے ݙاہویں فرمانروا ہن جنہاں نے 1520ء توں 1566ء تک 46 سال تک حکمرانی دے فرائض انجام ݙتے۔ اوہ بلاشبہ سلطنت عثمانیہ دے سب توں عظیم حکمران ہن جنہاں نے اپݨے بے مثل عدل و انصاف تے لاجواب انتظام دی بدولت پوری مملکت اسلامیہ کوں خوشحالی تے ترقی دی شاہراہ تے گامزن کر ݙتا۔ انہاں نے مملکت کیتے قانون سازی دا جیہڑا خصوصی اہتمام کیتا اوندی بنا تے ترک انہاں سلیمان قانونی دے لقب توں یاد کریندن جبکہ مغرب انہاں دی عظمت دا اس قدر معترف ہے کہ مغربی مصنفین انہاں کوں سلیمان ذیشان یا سلیمان عالیشان تے سلیمان اعظم آکھ کے پکاردن۔ انہاں دی حکومت وچ سرزمین حجاز، ترکی، مصر، الجزائر، عراق، کردستان، یمن، شام، بیت المقدس، خلیج فارس تے بحیرہ روم دے ساحلی علاقے، یونان تے مشرقی و مغربی ہنگری شامل ہن۔[١]

  1. تحقیق تے لکھت، اسماعیل بھٹہ