سام بن نوح

سام (عبرانی: שֵם; یونانی: Σημ; عربی: سام) ابراہیمی روایت دے مطابق نوحؑ دے پتراں وچوں ہک ہن۔ سام دی اولاد گورے رنگ دی ہے جبکہ حام دی اولاد سیاہ فام ہن۔

تعارف

رسولِ خدا، حضرت نوحؑ دے اہل بیت وچ سب توں بلند مقام رکھدن تے آپؑ دے وݙے فرزند ہن. سامی مذاہب نال تعلق رکھݨ والے تمام انبیاءِ کرام بشمول حضرت محمد ‌صلی اللہ علیہ وآلہٖ وسلم، دا تعلق نسلِ سام نال اے.

حیاتِ طیّبہ

سئیں سام بن نوح، اپݨے پیؤ حضرت نوحؑ دے سب توں پیارے تے فرمانبردار پتر ہن تے زندگی دے ہرموڑ تے اپݨے پیؤ دے ٻانہہ ٻیلی تے وفادار پتر بݨ کے ریہے. طوفانِ نوح دے دوران تمام مومنین تے اہلِ بیت دے نال ٻیڑے وچ رسول اللہؑؑ دے نال ریہے. آپ دے وصال دے بعد کہیں نے آپکوں خواب وچ ݙٹھا کہ آپ دی ݙاڑھی بالکل سفید تھی ڳئی اے حالانکہ آپ دا وصال زیادہ عمر وچ کوئناں تھیا ہئی. پچھݨ تے آپ نے فرمایا کہ میݙی ݙاڑھی دے چٹے تھیوݨ دی وجہ موت دی تکلیف تے سختی اے جیندی وجہ کولوں میݙا اے حال تھی ڳیا اے. حالانکہ آپ دا تعلق اہلِ بیتِ پیغمبر وچوں ہئی. اے روایت موت دی سختی تے تلخی تے دلیل اے.