سامری تورات

سامری تورات(دیگر ناں، Samaritan Pentateuch، عبرانی: תורה שומרונית تورہ شوم رونیت) عبرانی بائبل دی پہلی پنج کتاباں دا ہک مسودہ ہے جیہڑا سامری حروف تہجی وچ لکھا ڳيا تے بطور صحیفہ سامریوں دے اتھاں رائج ہئی۔ مسوراتی متن تے سامری نسخے وچ چھی ہزار دے قریب اختلافات پائے ویندن۔ جنہاں وچوں بیشتر الفاظ دے املا یا قواعد دا فرق ہے۔ لیکن کئی اہم لسانی اختلاف وی ہن، جیویں کہ سامری نسخے دے مطابق کوہ گرزیم تے ہک قربان گاہ دے قیام دا حکم۔

اگرچہ یہودیاں تے سامریاں وچ حد درجہ مخاصمت پاتی ویندی ہئی، سامری صرف تورات کوں ہی الہامی منیندے ہن، باقی کہیں کتاب تے اوہ ایمان نہ رکھدے تے انہاں دی مخالفت کریندے ہن۔ سامریاں دا ایہ نسخہ تورات نحمیاہ تے عزرا توں وی بہت پہلے دا ہئی۔ سامری دا جیہڑا نسخہ نابلس وچ ہے اوہ قدیم عبرانی زبان وچ لکھا ڳیا ہے۔ ڈھائی ہزار سال تک سامریاں تے یہودیاں دے کول الڳ الڳ تورات رہی جیندی وجہ توں تورات دا ایہ نسخہ اپݨی الگ مذہبی حیثیت منواوݨ وچ کامیاب رہیا۔ یارہویں صدی وچ صور دے ابو الحسن نے ایندا ترجمہ عربی زبان وچ کیتا، جیندی ابو سعید نے تیرہویں صدی وچ نظرثانی کیتی۔