زینت محل

زینت محل (پیدائش: 1823ء– وفات: 17 جولائی 1886ء) سلطنت مغلیہ دی آخری ملکہ تے بہادر شاہ ظفر دی زوجہ ہئی۔ زینت محل نے اپݨے شوہر بہادر شاہ ظفر دی حمایت نال 1840ء توں 1857ء تک مغلیہ سلطنت تے حکومت کیتی۔

زینت محل بیگم

بہادر شاہ ظفر دے مختصر خاندان دا قافلہ جلاوطنی دے نتیجے وچ 1859ء دے اوائل وچ رنگون پہنچا جیندے وچ زینت محل تے اُوندا بیٹا مرزا جواں بخت وی شامل ہئی۔ 7 نومبر 1862ء کوں بہادر شاہ ظفر دا رنگون وچ انتقال تھی ڳیا تے زینت محل مرزا جواں بخت دے ہمراہ اتھائیں مقیم رہی۔ 18 ستمبر 1884ء کوں مرزا جواں بخت دا وی انتقال تھی ڳیا تے زینت محل، اپݨی نونہہ شاہ زمانی بیگم دے ہمراہ ہک مکان وچ مقیم رہی۔

زینت محل آخری عمر وچ افیون دی عادی تھی ڳئی ہئی، افیون دی اِیں عادت نال ضعف ودھدا ڳیا تے 63 سال دی عمر وچ 17 جولائی 1886ء کوں زینت محل نے رنگون وچ انتقال کیتا۔ تدفین بہادر شاہ ظفر دی قبر نال ملحق ہک قطعے وچ کیتی ڳئی۔ 1991ء وچ مغل خاندان دی اِنہاں قبور کوں پختہ کر ݙتا ڳیا جنہاں وچ بہادر شاہ ظفر، زینت محل، مرزا جواں بخت تے شاہ زمانی بیگم سمیت ݙو ٻال وی دفن ہن۔