رمضان ڳاݙی

رمضان ڳاݙی اکانوے سالہ بزرگ شاعر ہن جناں دا تعلق پیر عادل تونسہ روڈ ڈیرہ غازی خان نا ل ہے۔اناں دی شاعری سادہ تے روز مرہ دے تمثیلاں دے استعمال نال خوبصورت انداز بیان ہے۔چھوٹے چھوٹے ݙکھاں کوں اپݨی شاعری وچ بیان کرݨ کوں اُو اپݨے ہک سنگتی غلام رسول دے مرہونِ منت او فرمیندن۔ اناں دا اے یار پنجویں جماعت وچ اِناں کوں داغ مفارقت ݙے گیا۔

فرمیندن کہ اگلی ݙیہنوار جیہڑے ویلے میں اسکول گیا تے اُندی وفات دا پتہ لڳیا تے میݙا تے سب کجھ ہی وانج تھی گیا۔ اُندے ݙکھ وچ اے درد ہے جینے میکوں شاعر بݨائے۔زندگی دے اختلافی معاملیاں کوں وݙے میٹھے تے خوبصورت سادہ لفظاں وچ بیان کر ݙیوݨ دی اناں دی شاعری دی خصوصیت ہے۔سماج تے نازکیاں ݙاہڈھے چنگے دے سادہ الفاظ وچ بیان کرݨا اِناں دا خاصہ ہے۔ سڄݨاں کیتے اُناں دے کجھ اشعار حاضر خدمت ہن۔