رمضان رامز

اصل ناں      محمد رمضان

تخلص          رامزؔ  

جمن           1995ء  

تعلیم          میٹرک

پیشہ           زمیندارہ 

فون نمبر       03061694095

جاہ پتہ        چک نمبر 95، ڈاکخانہ باغ و بہار تحصیل خان پور ضلع رحیم یار خان

شعری کتابچہ’’ اوندی کھل ماریئے‘‘دے خالق رمضان رامزؔ جوان جذبیں دا نوجوان شاعر ہے ،با ادب با مراد دا مصداق رمضان رامزؔ ،جگ مشہور شاعر امان اللہ ارشدؔ دا لاڈلہ شاگرد ہے ،تے ارشدؔ صاحب دی راہنمائی وچ خوبصورت شاعری کریندے۔ خوش اخلاق ، ملنسار تے یاریں دا یار بیلی ہے۔ ایں کتاب دے سلسلے وچ میڈے نال آپ دا خصوصی تعاون رہ گئے۔میڈی دعاء ہے جو اللہ تعالیٰ آپ کوں مزید ترقیاں عطا فرماوے!

غزل

جیڑھا ہُن اے ساون اوسے          ساکوں یار وساون اوسے

ساڈے نال او وعدہ کر گئے          وعدہ ڈھول نبھاون اوسے

خوشیاں دا پیغام کہیں کوں            کہیں کوں یار رواون اوسے

پچھلے ساون تے ہا نکھڑیا          اجکل یاد ڈیواون اوسے

ایہو ساون لگدے رامزؔ          ساکوں یار ملاون اوسے

_______________________________

؎اسّاں بازی کیوں نہ ہردے          غیریں نال جو ڈھولا تھی گئے