رعو
رعو (انگریزی: Reu)، (عبرانی زبان: רעו) عبرانی بائبل دی ہک شخصیت ہن جنہاں دا ذکر کتاب پیدائش وچ آیا ہے۔ رعو فلج بن عبر دے پتر ہن۔
نسب نامہ لکھو
رعو، سام بن نوح دی پنجویں پشت وچ ہن۔ اِنہاں دا نسب عبرانی بائبل دے مطابق ایویں ہے: رعو بن فلج بن عبر بن سلح بن قینان بن ارفکسد بن سام بن نوح علیہ السلام۔ ۔[١]
سوانح لکھو
عبرانی بائبل دے بیان دے مطابق رعو دی عمر 32 سال ہئی جݙݨ سروج دی پیدائش تھئی تے سروج دی پیدائش دے بعد رعو مزید 207 سال زندہ رہیے۔ عبرانی بائبل دے مطابق رعو نے 239 سال دی عمر وچ وفات پاتی۔ عبرانی بائبل دے علاوہ اختلافی بیانات ہفتادی تورات تے سامری تورات وچ موجود ہن جنہاں دے مطابق رعو دے ہاں جݙݨ سروج دی پیدائش تھئی تاں اُنہاں دی عمر 132 سال ہئی تے سروج دی پیدائش دے بعد رعو مزید 207 سال زندہ رہیے۔ ہفتادی تورات دے مطابق رعو دی کل عمر 339 سال تھئی۔کتاب جوبلی توں اِیں ڳال دا انکشاف تھیندے کہ جݙݨ رعو دی پیدائش تھئی تاں برج بابل دی تعمیر جاری ہئی۔
خاندان لکھو
عبرانی بائبل وچ رعو دے خاندان دی کوئی تفصیل موجود نی جبکہ کتاب جوبلی وچ اُنہاں دی والدہ دا ناں لومنا ݙسا ڳیا ہے جیہڑے شنعار دے رہݨ والے ہن۔ رعو دی ذال دا ناں اورہ ݙسا ڳیا ہے جیہڑی اُرکساد دی دھی ہن۔
حوالے لکھو
- ↑ قاموس الکتاب: تذکرہ تحت رعو، صفحہ 439، مطبوعہ لاہور، 1993ء۔