رشید عثمانی
رشید عثمانی سرائیکی شاعر ہے۔
اصل ناں رشید احمد
قلمی ناں رشید ؔعثمانی
جٖمنْ 1942ء
جاہ پتہ خیر پور ٹامیوالی ضلع بہاولپور
رشیدؔ عثمانی علمی ادبی گھرانے دے جٖموڑ ہن تے شاعری انہاں کوں ورثے وچ ملی ہے۔آپ سرائیکی دے نامور شاعر سئیں ریاضؔ رحمانی ہوراں دے فرزند ہن۔ایہا ای وجہ ہے جو انہاں دا کلام بٖہوں پختہ تے پر اثر ہے۔آپ دا نمونہ کلام ڈٖیکھو!
غزل
لکھوتوں آویں تاں بدلے نقشہ میڈٖے گھر دا
رات غماں دی گزرے نظرے نور سحر دا
سنگتی اوہو جیڑھا ڈٖکھ دا سنگتی ہووے
سجٖنْ اوہو جیڑھا اوکھے وقت پکر دا
رجٖ کھاوے تاں کمّی وی سردار اَکھِیسی
بُکھا ہووے تاں سید وی بانھاں بردا
جیونْ میڈٖا بھانویں میڈٖے وس وچ کائنی
مارن والا نہ مارے تاں میں نی مردا
توں وسدا ہیںمیڈٖے دلوچ رب دی صورت
میڈٖے کیتے کعبہ ، پتھر تیڈٖے در دا
میڈٖا فن ہی میڈٖے کیتے دھن دولت ہے
میں نی بُکھا عزت ، شہرت ،مال تے زر دا
وقت رشیدؔ مسافر کر ڈٖیندا ہے سب کوں
دل وچ ہووے یا نہ ہووے شوق سفر دا
؎جَیں سوہنْے دی سک وچ اساں اپنْی عمراں گٖالی
جیوے شالا اجٖ تونْیں نس دید مہر دی بھالی
چن نے تیڈٖے متھے کولوں منگیاں ہن کجھ لاٹاں
پھُلاں نے منگی ہے تیڈٖے ہوٹھاں کولوں لالی
چن چوڈٖی دا اَہدے بنْساں متھے دا میں ٹِکا
پہلی دا چن اَہدے بنْساں تیڈٖے کن دی والی
؎جے آ سگٖیں توں بٖوہے کھلے ہن میڈٖے گھر دے
میں پہنچ نمہی سگٖدا تیڈٖے شیش محل تک
؎کہیں بٖئے دل وچ ہوون تاں دل پھَٹ ونجٖٖے
جیڑھے غم میں اپنْے دل وچ پالے ہن
٭٭٭
ڄم پل
لکھوخیر پور ٹامے آلی نال تعلق ہے
کتاباں
لکھو- میں مٹی میں سونا، شائع شدہ ١٩٧٨ء
- خواب وچ دریا
- اکھیں دے جگارے (سرائیکی نظماں)
- نور برحق (مجموعہ نعت)
- دریا ہے راستے میں
نمونہ کلام
لکھومیݙی مٹھی نسری بولی
جند میں تیݙے ناں توں گھولی
دیکھ تے اوندیاں بے پرواییاں
میں وی دل دی ڳالھ نہ چولی
بے قدراں دی نگری پھریم
خالی رہ ڳئی آس دی جھولی
ہیں کوں محبت آدھے ہوسن
پیڑ اے دل وچ تھولی تھولی
درد جگیندیں مٹھا مٹھا
چونڈھی پیندیں پولی پولی
جن تے وینداں ٹر پوندی اے
میݙے نال غماں دی ٹولی
لفظ بدل ویندے ہن بھانویں
ہک ہوندی ہے پیار دی بولی
کیوں دنیا تے روز کھݙیوے
امن دے ناں تے خون دی ہولی
کجھ وی ہتھ نیں آیا اساں
مفت رشید حیاتی رولی
۔۔۔۔۔
کلام رشید عثمانی