راشد کھکھل

ملک راشد کھکھل سرائیکی شاعر ہے.

ڄم پل

سرائیکی شاعر

قسمت تے غربت ایوے بدنام تھی گئین

خدا دے کم وچ راشد کیندا دخل ہے

ملک راشد کھکھل

آپ 21 مارچ 1999 پیدا آپنڑے شہر دیرہ وچ تھئے آپ دا تعلق دیرہ غازیخان دے موضع چورہٹہ تو ہے آپ دا خاندان 6 صدیاں تو دیرہ غازی خان وچ آباد ہے آپ ڈی جی خان دی وڈے زمیندار ٹبر نال ہن کیوں کے آپ دی جہیڑی قوم ہے ستھا سومریں دے وچوں ہے ستھا سومریں سندھ تے 400 سال حکومت بادشاہت کیتی اوندے بعد انہاں وچوں کھکھل خان دی اولاد دیرہ دے وچ کئی ہزار مربع زمین دے مالک ہن ستھا سومریں وچوں ہن

نمونہ کلام

• [[[ دل کوں منصف بنڑا ]]]

تیڈوں تنڑدے ہیسے تہوں دھتکاریے ویندوں کیا سجنڑ تیڈا ایہو پیار ہے

تنڑدوں پاگل ہیسے ہے دیوانے تیڈے دل میڈا وی ایہو جتلا جرم وار ہے

جے جرم وار ہے وی دل میڈا چن دل میڈے تے کیتا تیڈے حسن وار ہے

ڈے ناں راشد کوں جرم دا اتلا سزائیں تیکوں اینجھا کہیں کیتا پیار ہے

پیار کیتا ہوسی ہوسی مطلب جے تئیں بنا مطلب ڈساں راشد جیہا یار ہے

دل کوں منصف بنڑا ولا صاف ڈساں تیڈا راشد جیہاں کوئی غمخوار ہے

ݙوہڑہ

تیݙا چوڑھا کھا ڳئے جوانی مکا ڳئے زرا نیوی سوچیاں درداں دے بارے

میں جیندا وداں تیݙی یاد دے وچ زرا یاد کر  تیں کیوں کیتن وسارے

دعا ݙیندا ہوکوں تے ویندا وپھل ہاں چاں بھل چک کے کوئی نام تیݙا پکارے

ہے راشد کھکھل دی محبت توں توبہ تہوں بیٹھاں کھلدے مریندے ٹھکارے

ہک یار ہووے لجپال ہووے

جہیڑا سکھ وچ میڈے نال ٹرے او ڈکھ وچ وی میڈے نال کھڑے

اوندا ٹرنڑا ای میڈے نال ہووے ناں نکھرنڑ دی کوئی گال کرے

ہے پیت کوں پالنڑا بہوں اوکھا پالے پیت کوئی کول کرار کرے

ودا منگدے راشد رب سائیں توں ہک یار ہووے لجپال ہووے

ڈوہڑہ

ہنڑ کھلدوں یاد کریندوں جے اساں لوک کیڈے وفادار ہاسے

وفاداری جنہاں دے نال کیتی انہاں کیتے ہن نال وپار ساڈے

ساکوں یاد ہے تیکوں یاد ہوسی تیں تروڑیے ہن اعتبار ساڈے

اے گال ہے راشد کھکھل مدامیں دی کئی یار وی ہن فنکار ساڈے

ڈوہڑہ

اللہ جانڑدے کیوں میکوں بھاندی ہئی جیوے تعلق ہووے ازل دا

تیڈیاں گالھی سنڑ سنڑ خوش تھیندے دل راشد دا نئیں رجدا

تیڈی تانگھ دے وچ جان میڈی کیوے ڈینھ ہے رات وچ ڈھلدا

جڈاں تیڈا ناں دیدار تھیوے نئیں ڈہدا کوئی میکوں کھلدا

ڈوہڑہ

مونجھ منجھاریاں آہیں زاریاں ایوے ہوندین

یار دی لاپرواہی بے پرواہیاں ایوے ہوندین

میڈی توبہ نندر توں راشد یار خماریاں ایوے ہوندین

پیریں پوونڑ بک بک روونڑ وقت گزاریاں ایوے ہوندین

ݙوہڑہ

ربا نوے سال دی پارت ہئی آ خوشیاں جھولی ڈھاون

کوئی اینجھے راہ وچ سٹ چھوڑی جہیڑے من میڈے کوں بھاون

جیوے پچھلے سال اچ گزریے ہن ای سال او درد ناں آون

نوے سال دے وچ تیڈے راشد کوں تیڈے معجزے نظر تاں آون

ڈوہڑہ

جند دل آھدا تاں ہے توں منسیں تاں ناں

تیڈا سر ہووے پیاء میڈی باہ ہووے پئی

تیڈے ہونٹ ہوون پئے زلفاں دی چھاں ہووے پئی

تیڈیاں پلکاں دے وچ میڈیاں پلکاں ہوون

نال تیڈے حیاتی دی ایوے صبح و شام ہووے پئی

خدا ناں کرے جہیڑے ڈینھ توں مر ونجے

تیڈی قبر دے وچ وی راشد دی جاہ ہووے پئی

ڈوہڑہ

ہک سانولی ہئی من بھانولی ہئی اللہ جانڑے کیوں میڈوں ڈہدی ہئی میں

ڈیکھاں ہاں ناں ڈہدی ہئی ناں ڈیکھاں ہاں میڈوں ڈہدی ہئی

ہاسی سر تے چادر شرم دی وی وت پیار دیاں نظراں ڈہدی ہئی

اللہ جانڑدے راشد سمجھ نہیں کیوں کھل کھل کے میڈوں ڈہدی ہئی

ڈوہڑہ

ربا سنڑدا بیٹھے دھاڑیں کوکاں میڈیاں کڈاں مکسن میڈیاں اے سزاواں

نیوے ولدا ڈیندا ڈس میں کینتے ونجاں تھک پیاء ڈے کراہیں آوازاں

تیڈی رحمت دے قصے جو سنڑیے ہیمی تہوں رکھی بیٹھا ولا وی میں تانگھاں

تیڈا راشد جو ہے امتی سوہنڑے دا ہنڑ قبول چاں کر دعا معاف کر کے خطاواں

ڈوہڑہ

توں کھلدی بھل میکوں غم ویندین تیڈی کھل ہے یار دوا میڈی

ناں سڈ کوئی طبیب سجنڑ میڈا توں نیڑے آ یار شفاء میڈی

ہیلک ہے تیڈی ذات دا راشد ایندو دید توں بھال یار دوا میڈی

تیڈے لب تے ہور  ناں ذکر ہووے ہووے ناں میڈا یار شفاء میڈی

ڈوہڑے

ڈوہڑہ

تیڈا شوق سجنڑ سر اکھی اتے کجھ خیال توں کر لگنی ناں تتیاں ہوائیں

دل ڈتاں ہیمی میڈی غلطی وی ہے میکوں غلطی دیاں ڈے ناں اتلا سزائیں

جے جانڑدا میں بے قدراں ہیوے تیڈی قدر ناں کریندا راشد کڈاہیں

میڈا دل ہے یار کھیڈونڑا نئیں جیکوں چاں چاں کے بھوکیندا ودا ہئی

<<< اللہ سائیں چاں نظراں پھیرے >>>

غربت وچ سجنڑ وی کنڈھ کر ویندن نئیں اندا کوئی نیڑے

موت منگنڑ نال وی نئیں ملدی ڈینھ ودھ ویندن بہوں ڈھیرے

ڈکھ وی پیت پالنڑ جانڑدے ہن در بہہ ویندین شام سویرے

سکھ دے بادل چڑھ آؤسن راشد اللہ سائیں چاں نظراں پھیرے

تیڈے پیریں پوونڑ آئے ہاسے

تیکوں یاد ہوسی تیڈے پیار دے وچ اساں کہیڑی حد تئیں گئے ہاسے

گئے ہاسے اپنڑی جان توں وی تیکوں جان اپنڑی دل ڈے آئے ہاسے

اساں ساریاں خوشیاں اپنڑیاں وی تیڈے رستے وچ سٹ آئے ہاسے

اے راشد گال ہے پچھلے سالیں دی تیڈے پیریں پوونڑ آئے ہاسے

ہک روز ملنڑ دا وعدہ کر کے

ہک روز ملنڑ دا وعدہ کر کے میڈا چن میکوں چھوڑی گئے

پتا کیا عیب گناہ ڈٹھا ہیس ڈے ڈکھ میکوں منہ موڑی گئے

ناں راہندا ہئی ہک پل میڈے ہک پل وچ دل کوں تروڑی گئے

نیسی ولدا ڈتا راشد کوں کیوں غیر دا سانگھا جوڑی گئے

• [[[ بیوفا یارا تیڈا عجب پیار ہا ]]]

بیوفا یارا تیڈا عجب پیار ہا ہن عجب تیڈے پیار وچ کوڑے وعدے تے لارے تیڈے

توں تاں آھدا ہانویں مرساں جیساں نال تیڈے ہنڑ ڈساں ہاں کتھ گئین ارادے تیڈے

میں تاں کملہ ہامی ہم دیوانہ تیڈا راہیں مل مل کے دھوپاں وچ وی باہندا ہم تیڈے

تیڈی ہک سڈ تے راشد تیڈوں اندا ہا ہر ستم کوں اپنڑی جاگیر سمجھ ساہندا ہم تیڈے

• [[[ جے دل لیندی سوچ پہلوں ]]]

جے دل لیندی ہیوے تاں سوچ پہلوں اندروں میں ترٹیاں تے ّمکیاں وداں ہاں

پہلوں دل نال دل وٹویندوں ولا ایوے محسوس کرویندں جو بکیاں ودا ہاں

دھوکے کھادے ہیمی جتھ وفا کیتی می وفائیں کر کر کے ہٹیاں وداں ہاں

اگیں وی راشد تے الزام ہن ڈھیر سارے تہوں تاں محبت توں لکیاں وداں ہاں

• [[[ بہوں دیر کیتی ہے تئیں آونڑ دی ]]]

بہوں دیر کیتی ہے تئیں آونڑ دی جہیڑے شخص کوں تیڈا بھالا ہاں گمنام جگہ تے ٹر کر گئے

تیڈی تانگھ راہندی ہس ہر ویلے تے ناں راہندا ہاسی لب تیڈا تیڈا ناں چاں چاں کے چپ کر گئے

ہر آہ تے ہاسی ہنج ڈھاندی آسمان دو سر چاں ڈھدا ہاں آسمان دو ڈہدے چھوڑی اپنڑا در گئے

ہنڑ مردے مونجھ تیڈی توں راشد کھکھل ہن چھیکڑی ساہ ایہو آھدے آھدے گمنام قبر دو منہ کر گئے

ڈوہڑہ

زمانے لگدن مخلص گولیندے ولا ونج کے کوئی غمخوار ملدے

ولا ونج لگدے اے زندگی چنگی ہے ولا دل ہے آھدا صدیاں جیویجے

قدرت عجب میڈے رب دی ولا ونج کے عزرائیل سر ان کے تھیندے

روح راشد دی بت توں آزاد کرکے بت کوں غستان وچ ونج دفنیدے

راشد کھکھل

ڈوہڑے

• دشمن دے ناں

دشمن دے ناں ساڈے نال کھڑیندا ودا ہئی ساڈے زیرے ڈیکھی ساڈے جھیڑے ڈیکھی

اساں ایوے نہیں بدنام تھئے ہر تھانڑے دے وچ ساڈے پیریں ڈیکھی

نواں دشمن جو ہئی سدھ کینی تیکوں ساڈے گل وچ گیڑ ہن ڈھیرے ڈیکھی

جڈاں راشد کھکھل تھک کے چاتی لکڑ ہر دریا تے پہاڑے تے ڈیرے ڈیکھی

• دیدار تیڈے دی چس ہووے

کوئی اینجھی تس ڈے چھوڑی جیویں تھل وچ پانڑی دی تس ہووے

اساں کیوں ناں آندے تیڈے تئیں ساکوں پھر ہووے ساڈے وس ہووے

جیندے نال لکھیندے ہن سیت یکے کوئی اینجھی قلم کوئی مس ہووے

نت منگدے راشد رب کولوں ای حیاتی وچ دیدار تیڈے دی چس ہووے

• ڈینھ تانگھ تیڈی وچ لہہ گئے

توں غیریں وچ مصروف ہانویں اساں دید بھلیندے رہ گئے

نت ماریں کوڑ تے ڈٹ میکوں تیڈی اے فطرت وی سہہ گئے

تیڈی تصویر چمیندے رات لنگھی اکھیاں وچوں نیر وی ویہہ گئے

نیوے اج وی آیا راشد دو ڈینھ تانگھ تیڈی وچ لہہ گئے

• ہے عشق دا راشد راز انوکھا

جے لیندا ہئی تاں سوچ کے لاء اے عشق ہے درد پچاونڑے پوندن

زمانہ عشق دا منکر وی ہے سر لکھ الزام وی چاونڑے پوندن

ہے ازل توں عشق دی ریت ایہا ایندے وچ گھر بار لٹاونڑے پوندن

ہے عشق دا راشد راز انوکھا اتھاں سر دھاہ تے لاونڑے پوندن

• کیوں ڈکھ سر میڈے چمباڑی گئی

توں ویندا ہانویں تاں چاتی ونجے ہاں کیوں ڈکھ سر میڈے چمباڑی گئی

تیکوں پیار میڈے دی قدر کینا ہئی ای واسطے ڈھولنڑ کیتی غاری گئی

ولیا اندا ہیوے میکوں آکھ ایہو اینجھے کوڑ ڈٹ وچ میکوں ٹھگالی گئی

کرکے بے وس تے مونجھا راشد کوں چن دل میڈا سٹ کے پیریں لتاڑی گئی

• تیڈی مونجھ مزید ستم کر گئی

تیڈی مونجھ مزید ستم کر گئی ساڈی حیاتی توں خوشیاں دا رنگ کھس گیا

تیڈا چہرہ تاں ہسدا تے کھلدا ودے ساڈا چہرہ کھلنڑ توں وی بس کر گیا

ہئی پیار تیڈا ساڈی زندگی سجنڑ پیار تیڈا ساڈی زندگی کوں بے وس کر گیا

آھدا ہئی راشد کوں کھلدے ہوئے مر ویسا جے تیڈے نال کڈائیں بس کر گیا

• [[[ اے پیار دی ریت ہے جند جیوی ]]]

اے پیار دی ریت ہے جند جیوی ایندے وچ انت وچھوڑا ہے

وچھوڑے دے بعد ہاں ماندا راہندے ہاں تھی ویندا سوڑا ہے

سچے پیار دے وچ ہن درد بہوں میں کڈھیا ایہو نچوڑا ہے

لگدے ہنڑ بندہ مردا ہے راشد ایوے لگدے ساہ بہوں تھوڑا ہے

• [[[کوئی ونج آکھے میڈے ماہی کوں]]]

کوئی ونج آکھے میڈے ماہی کوں جتھ پیار ہووے اتھ نفرت نئیں چھکدی

جیوے بکدا ہاں میں دل نال تیڈے اونویں روح وی بت نال نئیں بکدی

جہیڑی چیز کوجھی تے بیکار ہووے ڈٹھی ہے میں سونے دے مل وکدی

جیہڑے دل دی نگری راشد بر تھی ونجے او دل دی نگری وت نئیں وسدی

• [[[ سمجھ نئیں توں کون ہیوے ]]]

سمجھ نئیں آئی توں کون ہیوے جہیڑی جان توں پیاری لگدی ہئی

تہوں ظلم وسیندی دل کملے اتے دل کملے دے وچ جو وسدی ہئی

نیوے وسدی صرف دل وچ توں نال دل دے ذہن وچ راہندی ہئی

ایڈوں آھدی راشد تیڈی ہاں اوڈوں غیراں نال ونج باہندی ہئی

• [[[کیا پچھدی مونجھ متام دی ماری دا]]]

کیا پچھدی مونجھ متام دی ماری دا اے مونجھ تاں دریا توں وی پانڑی سکوا چھڑیندی ہے

شالا مونجھ دے وات وچ کوئی ناں آوے مونجھ تاں پتھراں کوں وی ڈل پواں چھڑیندی ہے

جئیں ویلے ناں آوے دل چپ راہندے جئیں ویلے آوے ول دل کوں بک بک روواں چھڑیندی ہے

اے مونجھ تاں راشد ظالم ہے ہسدے تے وسدے دل دی نگری کوں وی قبرستان بنڑا چھڑیندی ہے

• [[[ تیڈی بس تاں نئیں ]]]

تیڈا سنگ ہوندا ہاں نال میڈے اج بیٹھی غیریں نال تیڈی بس تاں نئیں

تیڈا جڑ جڑ باہونڑ غیریں وچ تے کھل کھل تھیونڑ نہال تیڈی بس تاں نئیں

میڈے ہک سڈ تے تیڈا جی آکھنڑ اج نئیں سنڑدا گال تیڈی بس تاں نئیں

کہیڑی غلطی تھئی ہے راشد توں ہتھ بتھ کریندے مجال تیڈی بس تاں نئیں

• [[[ تیڈی بے رخیاں برباد کیتے ]]]

تیڈی بے رخیاں برباد کیتے اساں لوک وڈے خوش مزاج ہاسے

ساڈی ٹھاٹھ زمانہ ڈہدا ہاں اساں کھلنڑ دے وی فنکار ہاسے

کئی لوک دیوانے ہن ساڈے اساں اینجھی ٹردے چال ہاسے

ہنڑ آھدی راشد بیوفا ہئی پہلے تیڈے کیتے وی وفادار ہاسے

• [[[ ہاں ماندا ہے سر پیاء پھٹدا ہے ]]]

ہاں ماندا ہے سر پیاء پھٹدا ہے تیڈے عشق چاں درد بھائیوال کیتن

نت کنڑ منڑ وسدی ہے اکھیاں وچ تیڈی مونجھ اے میڈے حال کیتن

راہندے یکدم جھیڑا روح نال اے میڈے دل ہر واری کئی سوال کیتن

کیوں ہجر آن ڈھائی تئیں راشد تے تیڈے ہجر میڈے چٹے وال کیتن

• [[[ ہنڑ دل تے پتھر رکھ کولوں ]]]

ہنڑ دل تے پتھر رکھ کولوں تیڈی مونجھ کوں جھلنڑ جانڑ گھدم

تیڈے پیار دے وچ مر ونجڑ دے کوڑے قول کرار سنجانڑ گھدم

تیڈیاں بے رخیاں بے پروائیاں کوں ہنڑ یاد وی کرنڑ چھوڑ

ڈتم

ہے پیار تیڈے توں توبہ راشد دل پاگل کوں پیار توں موڑ ڈتم

ڈوہڑہ

اے خدا تیڈی ناراضگی دا ڈر ہے ناتاں مر گئے دل نال جیونڑ کوئی سوکھا تاں نئیں

روز رونڑ دا کم نت ساہونڑ ستم ڈسکیاں بھر بھر کے پیونڑ کوئی سوکھا تاں نئیں

روز نوے پھٹ ملدن دل کملے کوں دل دے پھٹاں کوں سیونڑ کوئی سوکھا تاں نئیں

اجڑیے دل ہن اے راشد وسیندے نئیں دل دی وستی وساونڑ کوئی سوکھا تاں نئیں

ڈوہڑہ

ہنڑ آ ناں پیار کرنڑ اوکوں تیڈا جھل جھل بھالا او مر گئے

ڈیکھ آسمان دو آھدا ہئی تیڈا ناں ول ول گھن او مر گئے

تیڈے لارے اوکوں ماریا ہے تیڈے ہر کل کل وچ او مر گئے

تیڈے پیار دا راشد بیمار تیڈیاں گلیاں مل مل کے او مر گئے

• [[[ کیوں چھوڑنڑ چھوڑنڑ لئی بیٹھی ]]]

کیوں چھوڑنڑ چھوڑنڑ لئی بیٹھی ونج ہتھ تیڈا چھوڑ ڈتم او رستہ پئی

میں پیار دی پوجا ڈھیر کیتم تیڈے پیار دی پوجا چھوڑ ڈتم او رستہ پئی

بہوں منتاں کیتم تئیں سنگدل کوں ہنڑ منتاں کرنڑ چھوڑ ڈتم او رستہ پئی

تیکوں راشد چاہت راس نی آئی تیڈی چاہت کرنڑ چھوڑ ڈتم او رستہ پئی

راشد کھکھل

• [[[ اوندی فطرت محبت سمجھدا ریہا ]]]

ایوے اکھ لڑیندے لڑیندے دل ہاری گیا اوندی فطرت محبت سمجھدا ریہا

ایوے کھل کھل دے وچ دل ہاری گیا اوندی فطرت محبت سمجھدا ریہا

ایوے جند آکھنڑ دے نال دل ہاری گیا اوندی فطرت محبت سمجھدا ریہا

میڈی غلطی ہئی راشد دل ہاری گیا اوندی فطرت محبت سمجھدا ریہا

راشد کھکھل

• [[[ اے ہن ساریاں میڈی توبہ ]]]

عشق محبت مونجھ منجھاریاں اے ہن ساریاں میڈی توبہ

اے وعدے قسماں توڑ نبھاونڑیاں اے ہن ساریاں میڈی توبہ

ہجر دیاں راتاں ول ول آونڑیاں اے ہن ساریاں میڈی توبہ

فریب ہن راشد ساریاں یاریاں اے ہن ساریاں میڈی توبہ

راشد کھکھل

کہانی کیوں پچھدی ہے اوکھی کہانی

• غزل

کہانی کیوں پچھدی ہے اوکھی کہانی

ہئی ذہن بلکا منہ تے کشش ہئی

اساں وی بھندے ہاسے ہر کہیں کوں جانی

پتا نئیں کیا تھئے محبت ہے سنجاتا

اساں وی محبت وچ سر تے اسمان چاتا

کہانی کیوں پچھدی ہے اوکھی کہانی

ڈیندا حال تیکوں ہئی کینجھی جوانی

ڈکھاں وچ ہئی گزری ساڈی جوانی

ایہا غلطی تھئی ہے جوانی جو آئی ہے

ساڈی کھل عجب ہئی ہئی دنیا دیوانی

کہانی کیوں پچھدی ہے اوکھی کہانی

جوانی دے وچ کئی لوک ہن آند ویند ہئی

جہیڑا اندا ہائی کریندا ہاں وعدہ جے تیکوں بھلیسوں اساں مر ناں ویسوں

اے دنیا ہے ظالم وڈی ہے سیانڑی

کہانی کیوں پچھدی ہے اوکھی کہانی

اساں بھل گئے خود تے تہوں تاں رل گئے

ناں سمجھیے اے دنیا ہے مطلب تانڑی

پہلے ہے کھلیندی ولا ونج رویندی

روا کے ولا ونج کے ہے کھلنڑا سکھیندی

کہانی کیوں پچھدی ہے اوکھی کہانی

کہانی دے وچ درد ہن ڈھیر سارے

کئی راتاں وی گزرین وچ جگارے

ہے راشد کھکھل دی ایہوں تک کہانی

اے دنیا ہے فانی قبر ہے نشانی

کہانی کیوں پچھدی ہے اوکھی کہانی

تیڈوں تنڑدا ریہا

ایوے نبھدی ناں ہئی جیویں میں ہے نبھائی بھانویں سولی اتے میں ٹنگدا ریہا تیڈوں تنڑدا ریہا

اے سوچیندا ریہا کیوں میکوں ہیس پھنسایا رات پوری دل اپنڑے کوں پنڑدا ریہا تیڈوں تنڑدا ریہا

تیڈوں تنڑدا ریہا ڈینھ دے لہندے تونڑی رات دا وی میں تاریں کوں گنڑدا ریہا تیڈوں تنڑدا ریہا

رات ہجر وچ گزری ہے جیوے میڈی تے کیوے جی جی کے راشد ہے مردا ریہا تیڈوں تنڑدا ریہا

تیڈوں آؤ یا ناں

• [[[ ڈس ہاں نال لاونڑ تیڈوں آؤ یا ناں ]]]

ہے شہر تیڈے کہیڑ دا موسم ہن آسمان تے جھڑ تیڈوں آؤ یا ناں

میڈا یار مٹھل بہوں مونجھا ہاں ہے مونجھا دل تیڈوں آؤ یا ناں

ہے مونجھ دا مرض عروج اتے ڈس طبیب میڈا تیڈوں آؤ یا ناں

ویسی گزر ماگھ دا موسم راشد ڈس ہاں نال لانونڑ تیڈوں آؤ یا ناں

ربا ترٹدا ویندے ہک بندہ تیڈا

• [[[ ربا ترٹدا ویندے ہک بندہ تیڈا ]]]

ربا ترٹدا ویندے ہک بندہ تیڈا اوندا حال سنڑ اوکوں سنبھال چاں

ہے تیڈے سوا کون میڈا پچھدا بیٹھے تیڈے کولوں ایہو سوال چاں

گناہیں کرنڑ کولوں تھک پئے ہنڑ رحیم و کریم نظر مغفرت بھال چاں

اے راشد ہے ڈہدا آسمان دو اپنڑی رحمت دے وچ ایکو دھنوال چاں

تیڈیاں اکھیاں تیر چلایاں ہاں

تیڈیاں اکھیاں تیر چلایاں ہاں میڈا دل ہی واسطے لیلام تھیاں

تیڈی یار معصوم جئیں صورت تے میں لکھ واری قربان تھیاں

تیڈی صورت تے میں بھلیا ہم تیڈی سیرت جانڑ حیران تھیاں

تیڈے دل وچ ہور کوئی وسدا ہاں راشد کوں بہوں ارمان تھیاں

میڈا مالک

میڈا مالک سکھ چین ڈے چاں یا🤲

روح بے چین کوں بت توں آزاد کر🙏

• فقرہ*

تیڈے رب سائیں کن دی کھیڈ دے وچ

ادھی زندگی راشد دی لنگھ گئی ہے

ہاں ماندا ہے ہجر روگ وچ ہاں

ہاں ماندا ہے ہجر دے روگ اچ ہاں میں اج وی پیار تیڈے دے سوگ وچ ہاں

نیمی اج تائیں پھپھریا ساوا تھی سگیاں میڈا تن من اینجھی مرض دے ونج ذمے لئی

جیوے تئیں ہن پیار وچ ظلم کیتن

اینجھے قہر تاں کوئی نئیں وسینداں

تیڈے نقش ذہن وچ ای لاہندن

کائنات دی ہر شئے بھل وینداں

میکوں بھالے ہن تیڈے آونڑ دے توں نئیں آندا میکوں جواب ڈے

میڈی زندگی کیوں برباد کیتی

راشد کوں ہک ہک پل دا حساب ڈے

نواں ڈوہڑہ

• [[[ ہنڑ مردے راشد آ منت لاء ]]]

ای چیتر بہار دے موسم وچ بیٹھا روندا ہاں تیڈی یاد دے وچ

تیڈا گھٹ گھٹ کے میکوں گل لاونڑ یاد آندا ہے برسات دے وچ

ایوے سم سم کے اٹھی باہندا ہاں وت سم ویندا تیڈی یاد دے وچ

تیڈا تک آکھنڑ میکوں نئیں بھلدا میڈی دنیا ہئی کائنات دے وچ

نئیں دل لگدا میڈا کہیں پاسے دل لگدے ہر دم تیڈی یاد دے وچ

میڈی روح وی رسنڑا چاہندی ہے ہے پل پل اے چکرات دے وچ

متاں لنگھ آوے ایہو سنڑ میڈا ونج قاصد آکھ ہاں مذاق دے وچ

ہنڑ مردے راشد آ منت لاء تھیسن سوکھے ساہ سکرات دے وچ

راشد کھکھل

نواں ڈوہڑہ

ہنڑ ڈھل گئے ہیں تیڈے ہجر دے وچ اساں یار شہزادے رہ نئیں گئے

ہنڑ دھوپ دے سیک تے لاتھے ہیں اساں تے یار پچھانویں رہ نئیں گئے

ہنڑ ہر جاہ جھنڑکاں ملدیاں ہن کہیں شخص دے کم دے رہ نئیں گئے

ہنڑ پیار دے کانڈھے ناں پٹھ راشد تیڈے پیار دے ڈا دے رہ نئیں گئے

راشد کھکھل

• [[[ ونج ہنج پپلیں توں ڈھاندی ہوئی ]]]

ونج ہنج پپلیں توں ڈھاندی ہوئی پہلے عرش تے ڈکھا ہاں اداواں

ونج دھاں ڈیوی میڈے خالق کوں جیندے کولوں ہن میڈیاں ساہواں

ونج آکھی میڈے رازق کوں میڈا مالک تیکوں ہک ڈینھ اتنا بھانواں

میں راشد فرش تے ہتھ چاواں تیڈے عرش تے آون میڈیاں آہواں

راشد کھکھل

• [[[ رحمان بیمار کوں سوکھا کر ]]]

ایوے لگدے ہنج ونج اکھیا ہے رحمان بیمار کوں سوکھا کر

ویندا مکدا ہے اے ڈینھ بہ ڈینھ لقمان بیمار کوں سوکھا کر

بس راشد کوں ہے ہک آس تیڈی رحمان بیمار کوں سوکھا کر

ہیوے واقف ہک ہک مرض کولوں لقمان بیمار کوں سوکھا کر

راشد کھکھل

• [[[ جے پچھدی تاں تیڈے کیتے کیا کیتم ]]]

جے پچھدی تاں تیڈے کیتے میں کیا کیتم تیکوں سدھ نئیں جو خود کوں میں تباہ کیتم

تیڈے نخرے بہوں برداشت کیتے ہیم تیڈے کیتے تیکوں سدھ ہے جو میں کیا کیا کیتم

تیڈے راہ تے میں ہر دے نال ونجا کولوں سر اپنڑے میں دشمنی دی بہوں واری ابتدا کیتم

تیکوں راشد وفا کیتم میں خود نال اے خطا کیتم ایہو جرم ہے ایہو جتلا وڈا سارا گناہ کیتم

راشد کھکھل

• [[[ چلو خیر ہے توں وی چھوڑ ویسیں ]]]

چلو خیر ہے توں وی چھوڑ ویسے اے صدے جھلنڑ جانڑدا ہاں

میں مونجھاں بہوں ہن پالیاں تیڈی مونجھ وچ گلنڑ جانڑدا ہاں

میکوں ہر کہیں راہ وچ چھوڑیا ہے میں کلھیئے چلنڑ جانڑدا ہاں

میں راشد عشق دی بھاہ دے وچ جیکر پہہ ونجا ولنڑ جانڑدا ہاں

راشد کھکھل

• [[[ میڈا قاصد ونج ہاں دلبر دو ]]]

میڈا قاصد ونج ہاں دلبر دوں ونج ڈیکھ ہاں کیندے نال بیٹھے

ہیسی تات میڈی یا بئے کہیں دی ونج پچھ ہاں دل دے حال اوندے

کیوں میکوں وہم آ پیاء ہے جند میڈی درداں دے گڑدھال وچ ہے

توں راشد کملا بھولا ہئی تیڈا دلبر تھیاء غیر دے نال نہال بیٹھے

راشد کھکھل

• [[[انا تے وفا ]]]

انا جیکر انیندا پئی وفا دی لوڑ نئیں تیکوں

انا جتھ جتھ وی آونجے وفا اتھ اتھ نیوی کھڑدی

ازل توں وفا تے انا دا ایہو جتلا ہے درجہ راشد

انا شیطان دی ریت ہے وفا رحمان چاہنداں ہے

• [[[ زمانے لگدن مخلص گولیندے ]]]

زمانے لگدن مخلص گولیندے ولا ونج کے کوئی غمخوار ملدے

ولا ونج لگدے اے زندگی چنگی ہے ولا دل ہے آھدا صدیاں جیویجے

قدرت عجب میڈے رب دی ولا ونج کے عزرائیل سر ان کے تھیندے

روح راشد دی بت توں آزاد کرکے بت کوں غستان وچ ونج دفنیدے

راشد کھکھل

• ڈوہڑہ*

تیڈا ہک ہک وعدہ یاد کھڑے

اساں پیت کوں پالنڑ جانڑدے ہے

اساں فجریں ابھریں سج جوہے

مغرب کوں ڈھلنڑ جانڑدے ہے

تیڈا ہجر دا سیک ہے سیکنڑ ڈے

اساں بھاء مسماونڑ جانڑدے ہے

اساں راشد مرسوں مر ویسوں

غستانیں کوں وی جانڑدے ہے

راشد کھکھل

• ڈوہڑہ*

میڈا مالک ہنڑ نیمی سہہ سگدا

یا درد ہجر مکا یا میکوں

ای دنیا توں لا پرواہ کر ڈے

ہووے ہوش کوئی ناں میکوں

یا خود منظور قبول چاں کر میڈیاں غرضاں ہن سب تئیں توں

جیہڑیاں راشد رو رو منگیا ہن

میڈیاں عرضیاں ہن سب تئیں توں

راشد کھکھل

• ڈوہڑہ*

ہنڑ تھک پئے ہے ای دنیا توں جتھاں خود غرض انسان پئے وسدن

کئی روپ مخلص دا بنڑا کولوں اندروں دل وچ میل اے رکھدن

جیہڑا بندہ مخلص ہووے انہاں نال کنڈھ پچھوں ہوں تے ہسدن

اے راشد مشکی نانگ ہوندن وٹا کے روپ انسانیں دا ڈنگ گھندن

راشد کھکھل

• کلام*

ربا اینجھا وقت ناں ڈیوی توں

جتھاں میں تیڈا نافرمان تھیواں

متاں ڈھگ آزمائشاں ڈے ڈیوے

میں ڈھگ سارا پریشان تھیواں

کوئی اینجھا موڑ ناں ڈیوی
جتھ میں حوصلے توں ویران تھیواں

میں راشد کوں میڈا رب سائیں توں رنگ اتنا لانوی میں ڈھگ سارا حیران تھیواں

راشد کھکھل

• کلام*

ایڈوں جھڑ اسمان تے کنڑ منڑ لئی ایڈوں میڈیاں اکھیاں تر تھی گیا

اوڈوں پاک ہوا دے جھولے آئے

ایڈوں میڈیاں تتیاں آہیں نکتیاں

تر اکھیاں نال کڈھ آہیں تتیاں ڈیکھ اسمان دو آکھیاء ہیم اے مالک

ہنڑ روح راشد دی کڈھ گھن توں

تیڈی دنیا توں میں تنگ تھی گیا

راشد کھکھل

• ڈوہڑہ*

ہک اکھ دی سوہنڑی بھولی جہیں میڈوں تک تک کے بہوں ڈہدی ہئی

کہیں چوک بازار وچ ٹکرے ہا خوش تھی نہال تھی ویندی ہئی

جڈاں ڈیکھے ہاں میڈے چہرے دو

اوندے لب مسکار کریندے ہن

اج مدتاں بعد جو یاد آئی راشد اوندے نقش ذہن وچ کھڑ گئے ہن

راشد کھکھل

• ڈوہڑہ*

پندھ زندگی دے بہوں اوکھے ہن اتھاں حوصلہ ہارنڑاں نئیں پوندا

اتھاں ہجر دیاں راتاں ملدیاں ہن سکھ چین وی ہے وارنڑاں پوندا

مشکل وقت جو لنگھ آوے ناں چاہندیے استقبال ہے کرنڑاں پوندا

اے زندگی راشد سمندر ہے ایندے وچ بڈ کے خود ہے ترنڑاں پوندا

راشد کھکھل

• ڈوہڑہ*

ضمیر مارنڑ دا ڈاہ نئیں آیا اساں دنیا داری سکھیے نیسے

کہیں جو جتنا بولی لئی ہے ایمان ویچ کے ویکیے نیسے

لڑدے لڑدے حق دی جنگ وچ وقت دے شاہ نال راشد

سر جو لہہ گئے زاریاں منگ کے ظالم دے اگو جھکیے نیسے

راشد کھکھل

• ڈوہڑہ*

میڈا رب سائیں میکوں دنیا تے اینجھا کوئی انسان ناں ٹکرے

جیندا واسطہ ہووے مطلب تائیں اینجھا کوئی با ایمان ناں ٹکرے

جیہڑا کوڑیاں قسماں چیندا ہووے رکھ ہتھ قرآن تے ناں ٹکرے

جیکوں راشد پرکھ ناں سجنڑے دی اینجھا کوئی حیوان ناں ٹکرے

راشد کھکھل

ماہ رمضان

ہے ماہ رمضان دی آمد آمد میڈا مالک ساکوں وی بخشی توفیقاں

ہن نیکیاں ہک دیاں ڈاہ ملدیاں ہن ساریاں تیڈیاں کرم نوازیاں

ہوسی ہر شیطان تیڈی قید وچ بدھا لاتھاں ہوسی وچ زنجیراں

میڈا مالک ماہ رمضان دے صدقے راشد دیاں کر پوریاں امیداں

==کُن فرماوے ہا==

ربا عرض سنڑیں میں بے کس دی ای ماہ رمضان دے صدقے

سنڑ واسطہ اہلیبیت دا ہئی جیہڑا کربل وچ قربان تھیاء

سنڑ واسطے مولا علی دے جیکوں لقب تئیں شیر خدا ڈتا ہا

میں راشد دیاں دعائیں ہن انہاں دے صدقے کُن فرماوے ہا

• [[[ توفیق ہووے میکوں ای رمضان دے وچ ]]]

توفیق ہووے میکوں ای رمضان دے وچ ڈاہ ڈینھ اعتکاف وچ باہونڑ

متاں رب سائیں مغفرت کر چھوڑے ویندا چھوٹے وڈے گناہ بخشواونڑ

شالا رب سائیں راضی ہووے میں توں اوندا میکوں رات وچ جگواونڑ

میں راشد سوہنڑے رب کولوں ویندا پیاء دعا ہر اپنڑی تے کن آکھواونڑ

راشد کھکھل

عید دا ڈوہڑہ

• [[[ ای عید تے میڈے وانگوں وی ]]]

ای عید تے میڈے وانگوں وی کئی کلھے کلھے ہوسن

کئی پیار کرنڑ آلیاں دے انگلیاں وچ مندریاں چھلے ہوسن

ہوسی ہر کوئی خوش اپنڑے ڈھولے نال دلبر دے رلے ہوسن

شالا جند جیوی ای عید اتے راشد نال وی کوئی بھلے ہوسن

راشد کھکھل

• [[[ سنڑ عرض میڈی دلربا میڈی عرض ہیوی ]]]

سنڑ میڈی دلربا میڈی عرض ہیوی ای عید اتے کہیں بہانے میڈوں لنگھ آوی توں

تیڈا آونڑ ہوسی میڈیاں عیداں ہوسن نین کھلسن نمانڑے میڈوں لنگھ آوی توں

میڈی عید ہے دلبر تیڈی دید وچ تیڈی دید دے ہے دیوانے میڈوں لنگھ آوی توں

توں آؤسیں راشد گل لیسی تیکوں سڑسن اپنڑے بیگانے میڈوں لنگھ آوی توں

راشد کھکھل