ذات تے قوم

انھیں لوظیں کوں اینجھا گڈ مڈ کیتا ڳئے میں جھئیاں کم عقل کم علم بندہ دوکھا کھا ویندے جئیندی وجہ نال دشمن دی چال کامیاب تھیندی ہے ذات دا کوئ مخالف نئیں نہ ذات دے انکاری ہئیں ساریں بلوچیں دی ہکی ذات نئیں نہ ساریں بلوچیں دی ہکا قوم ہے ،صرف بلوچ کیا پورے ملک ءچ جتناں ذاتاں ھن او حالی تک قوم نئیں بݨ سگیے

قوم ،،قوم مختلف ذاتیں دا مجموعہ ہے جݙاں یثرب توں مدینہ بݨیے ول ہک ریاست اور ہک قوم ݙیکھݨ کوں ملدی ہے حالانکہ انھیں دیاں ذاتاں مختلف ہن ،اوندے بعد وی کافی مثالاں ہن تتاریے رھزن ہک قوم بݨ کے حملہ آور تھئے انھیں دنیاں دا نقشہ وگاڑ کے رکھ ݙتا، مختلف ترقی یافتہ ممالک تے جݙاں نظر مریسو انھیں بحثیت قوم بݨ کے ترقی کیتی ہے امریکہ ،چین ،جاپان ،انھیں دے حکمران اور قوم دا بیانہ مشترک بݨیے ول دنیاں تے حکمرانی کیتی نے ، کوئ وی تحریک کامیاب نئیں تھیندی کوئ انقلاب اوں وقت تک نئیں آندا جݙاں تئیں ذاتاں قوم ءچ تبدیل نئیں تھیندیاں، اساں سرائیکی نوے فیصد ذات دے اعتبار نال بلوچ ہئیں کوئ شک نئیں جݙاں ساکوں اے ݙسیا ویندے کہ اساں بلوچ قوم ہئیں ہکو کجھ ہئیں ،زھن ءچ سوال اٹھدن تاریخ ݙسیندی ہے ساݙی ہر قوم دے سردار ݙوجھی قوم نال جنگ کریندے ہن میں سوچ کے حیران تھینداں جݙاں ہکی قوم دا نعرہ اج دا داونشور لئیندے کیا او آپڑیں سردار کوں قوم دا دشمن لکھسی یا دَڑ مار ویسی،یقینً مَپ مار ویسی،

میݙے نال دا علاقہ ہے کوہ سلیمان مختلف ذاتاں راھندن بارتھی ءچ بزدار ہے ݙوجھے پاسوں فاضلہ ہے اتھاں پہاڑ تے بزدار میدان ءچ قیصرانی ہن قیصرانی تے بزدار ݙوھائیں بلوچ ہن تیں ݙوھائیں قبائل دی دشمنی ازل توں ہے کݙیں گیا ہکی قوم دا تماشہ اے تماشے کل وی ذات دے ہن اج وی ذات دے ہن ،،، ذات،،اے ساݙی سنجاݨ واسطے ہے جݙاں اساں ملغانی نتکانی سنجرانی ،لاشاری یا کجھ وی لکھدے ہئیں ایندا مطلب ہے اے ساݙی ذات ہے قوم نئیں ہاں جݙاں اے ذاتاں رل کے ہکا بولی بولیسن انھیں دا رہن سہن خوشی غمی دے طور طریقے سانجھے ہوسن ول اے یک زبان تھی کے جݙاں کوئ تحریک چلیسن آپڑیں حق دی آواز کڈھسن پچھیں اے قوم سݙیسی ،جیرھے بلوچ بھرا ہکی قوم دا نعرہ لئیندن او پہلے بلوچی زبان آلیں کوں تاں ہکا قوم بݨا گھن پچھیں سرائیکیں کوں ہکی قوم دا درس ݙیون ، آخری گال میݙیاں گالھیں کہیں دانشور ادیب دے سمجھݨ آلیاں نیں میں عام بندہ ھاں تیں گالھیں وی عام بندیں واسطے لکھداں جمیل حیدری