دھی دھی

ایہ کھیݙ کھیݙݨ دا موقع اوں ویلھے ملدے جݙاں پاݨی دا وݙا تلآ کھڑا ہووے. یا وت کئی نالہ واہندا پیا ہووے. ٻال کسی وچ وی کھیݙ گھندن. ایں کھیݙ وچ کھݙکاراں دی کئی پابندی کائنی ہوندی. اے کھیݙ شروع کرݨ توں پہلے پڳیا ویندے. چھیکڑی آنوݨ آلا واری ݙیندے. سارے پاݨی وچ پاھے ویندن تے واری ݙیوݨ آلا ہک پاسوں کھڑدے. تے اکھیں موندھ گھندے. ول پنجھاہ یا سو تک مقرر گݨتری گݨدے. تے ساریں کوں پکڑݨ دی کوشد کریندے. کجھ پاݨی وچ گھت مار لک ویندن تے کجھ ایویں بچݨ دی کوشد کریندن. واری ݙیوݨ آلا جتھاں کھڑدے اتھاں نشانی ہوندی ہے تے سارے اوں جاہ تے پج اوں پیڑھی کوں ہتھ لیندن، جے سارے ہتھ لا ونجن تاں ول واری شروع توں شروع تھیسی، جے کہیں کھݙکار کوں ہتھ لڳ ونجے تاں ول واری اوہو ݙیندے. تے اے کھیݙ ایویں چلدی پئی ہے۔