دمسازؔ قیصرانی
اصل ناں عبدالغفور
قلمی ناں دمساز قیصرانی
جمن 1955ء
تعلیم ایم اے
پیشہ ریٹائر سائنس ٹیچر
فون نمبر 03440827561....
جاہ پتہ محلہ غربی کوٹ قیصرانی ،تونسہ شریف ضلع ڈیرہ غازیخان
دمساز قیصرانی 1955ء کوں مسو خان قیصرانی دے گھر پیدا تھئے ایم اے تک تعلیم حاصل کیتی تے ول محکمہ تعلیم اچ بطور مدرس اپنی عملی زندگی دا آغاز کیتا۔جتھوں تک آپ دی شاعری دا تعلق ہے تاں 1970ء کنوں اپنی شاعری شروع کیتی ،ابتدائی رہنمائی عہد ساز شاعر حضرت اقبال سوکڑی توں حاصل کیتی ،تے ول 1974ء کنوں باقاعدہ مشاعرے پڑھن شروع کر ڈتے۔ ہن تائیں آپ دیاں ترائے کتاباں ،پیار سنیہا،خواب خواہشاںتے اہر امن دے، چھپ کے منظرِ عام تے آ چکیاں ہن۔
دمساز قیصرانی دی شاعری تونسے دی تس ،سنگھڑ دی بکھ تے دامان دا منظر نامہ ہے ۔ تونسے دی دھرتی اپنے اندر صدیاں پرانی روایات رکھدی ہے۔جنہاں اچوں ڈو معروف رومانی کر دار سمّی تے راول وی ہن۔ایں حوالے نال دمساز صاحب سمّی دا ذکر کجھ ایں طرح کریندن۔
ہے پیریں کئو کتھائیں پہاڑیں وچ
سمو گاندی ہے نندر نئیں آندی
(1)غزل
لکھومفت جھل کے تہمتاں الزام تیڈے شہر وچ
انت آ تھئے ہیں سجن بدنام تیڈے شہر وچ
توں تماشائی بنڑیا ہوئیں بخت دے ست ماڑ تے
آدمیت تھی گئی نیلام تیڈے شہر وچ
سُلگدے ارمان سینے سانبھ کے حساس لب
پی گئے ہن زہر دے بھرجام تیڈے شہر وچ
شام دے لہندے ہوئے سجھ دی ڈیکھ کے لالی دا رنگ
ڈر پیا لگدے میکوں اج شام تیڈے شہر وچ
ڈیکھ کے جوگی میڈے ہتھ دیاں لکیراں آکھ گئے
بہوں مہانگا ہے سائیں آرام تیڈے شہر وچ
کے جتی ہن لعل سوچیں دے صدف اچ قیمتی
وِک گئے دمسازؔ جو بے دام تیڈے شہر وچ
(2) غزل
لکھوزندگی فکریں دا پل سرکار ہے تاں کیا تھیا
پیلوِن چہرے دی پہریدار ہے تاں کیا تھیا
بھوگ ویسوں درد دے آتن دے اوکھے پہر وی
وقت دا وقتی جیکر نروار ہے تاں کیا تھیا
تیڈی اکھیں وچ ای ہن تحریر دل دے ویدھ کئی
میڈے لب تے جنبشِ اظہار ہے تاں کیا تھیا
وستی وستی بالنے جانی محبت دا چراغ
نفرتیں دا گرم جے بازار ہے تاں کیا تھیا
انت مک ویسن ایہے دمسازؔ غم دے سلسلے
من وسندڑ مونجھ ڈینہ ڈو چار ہے تاں کیا تھیا
-------------------------------