دلشادؔ سلطان پوری

اصل ناں       نذیر احمد

قلمی ناں       دلشاد ؔسلطان پوری  

جمن           1954ء  

تعلیم           مڈل

پیشہ            رنگساز 

فون نمبر         03077926362

جاہ پتہ          موضع سلطان پور تحصیل وضلع رحیم یار خان

(1)غزل

اساں جام درداں دے پیندے ودے ہیں

تے ڈکھ درد سہہ سہہ کے جیندے ودے ہیں

تیڈے پیار  دیوچ  تھئے ہیں دیوانے

تہوں یار  پاگل سڈیندے  ودے ہیں

ہے لُٹیا اوں  سانو ل  جڈن دا  اساکوں

اساں تاں ہوں ڈینہ دے لُٹیندے ودے ہیں

تیڈے پیار  ساکوں  جو کیتا ہے پاگل

تہوں  نال پتھراں  چُٹیندے  ودے ہیں

زمانے توڑے  زخم تے  زخم لاتے

تھی دلشاد زخمیں کوں سیندے ودے ہیں

-------------------------------

توڑے ڈکھڑے اَوسِن جو سر تار ڈیکھیں

بھُلیساں نہ اصلوں تیڈا پیار ڈیکھیں

جیڈے درد ڈیسیں میں اُف نہ کریساں

میں کھل کھل تے چیساں سبھے بار ڈیکھیں

توں بھن بھولے میڈی محبت دے بے شک

میں ہر موڑ تے ڈیساں عتبار ڈیکھیں

٭٭٭