دلدل

بھیڈ اجڑ کنیں نکھڑی ھے تیں گیدڑ ڈیھدا کھڑا ھا او ھولیں ھولیں بھیڈ دے نیڑے آونڑ لگ گۓ جو شکار کراں ,جیرلھے بھیڈ کوں پتا لگے گیدڑ وی بھوں نیڑے تھی آیا ھا ,ھر کھیں کوں جان بھوں پیاری ھوندی ھے, بھیڈ بھوں کوشش کیتی بھج درک کے ,پر اوں ڈیٹھے اج پچدے نسے اوں دلدل ءچ ٹپ مار ڈتا ,گیدڑ وی پچھو ٹپ مار ڈتا ,جڈاں گیدڑ اے محسوس کیتا جو شکار تاں آپڑیں جاہ ھنڑ آپڑیں زندگی گلدی ھے , اوں آپ کوں بچاونڑ واسطے بھوں پھتکاڑیاں تیں ٹپوس ماریے ,پر کتھاں دلدل تاں دلدل ھوندی ھے ,,گیدڑ ,سوچے بھیڈ کوں تاں ڈیکھاں او وی تاں میڈے کٹھے ھائ ,اوں بھیڈ کوں ڈیٹھا تیں حیران تھی گیا جو ,بھیڈ سکون نال بیٹھی ھائ ,گیدڑ آکھے وے مریں ڈیکھ تاں سھی بڈدے پۓ ھیں ,اپڑیں آپ کوں بچا کوئ ہتھ پیر مار ,بھیڈ بھوں سکون نال بیھ کے ولدا ڈتا ,گیدڑ صاحب گال اے ھے ,جو میڈا ھک مالک ھے جیندی میں بھیڈ ھاں ,او جیرلھے ڈیکھسی میں اوندے اجڑ اچ کائینی او میکوں ضرور گولیسی تیں آ کے بچا گھنسی ,توں آپڑیں خیر منا.

دوستو گال اے ھے اساں سرائیکی لوک وی اوں گیدڑ آلی کار ,گودیں سرداریں دی بنڑائ ھوئ دہدل ءچ ٹپ تاں مار بہندے ھئیں پچھیں آن پھتکاڑیاں مریندے ہیں لیکن وقت ویلھا کڈاں ہتھ آندے. عقلمند اینجھے ھیں اگر ھمسایہ ساڈی زمین دو ھک فٹ ودھ پووے اوندا سر پاڑ گھتنڑ فرض سمجھدے ھیں ,مگر جئیں ساڈے پورے سرائیکی وسیب تیں قبضہ کیتے ساکوں لٹ کے محل تیں کوٹھیاں بنڑائن ساڈے بالیں کوں ٹاٹ تیں بلہا کے آپڑیں بال باھر ملک ,پڑھائن ,ساڈی پگڑی پیریں اچ لتاڑ کے آپڑیں پگ وڈی کیتس ,ااوندے اگوں چپ ھیں اوھو ساڈا سردار ھے اوھو ساڈا گودا ھے ,وائے الله دے بندے چیڑیاں شور کرکے نانگ بھجا سگدئن اساں شور کرکے چور نسے بھجا سگدے.