دلائی لاما تنزن گیاتسو

چوݙہواں دلائی لاما تنزن گیاتسو یا تنزن گستاؤ (6 جولائی 1935ء۔ تا حال) تبت دے بدھ مت دے پیروکاراں دا موجودہ روحانی پیشوا اے۔

تبتی ٻدھاں دا چوݙہواں دلائی لاما تنزن گیاتسو

چوݙہویں دلائی لامہ دی پیدائش 6 جولائی 1935ء کوں شمال مشرقی تبت دے ہک چھوٹے جیہے گاؤں تکستر امدو وچ ہک کسان گھراݨے وچ تھئی ہئی۔ انہاں دا خاندانی ناں لهامو تھونڈپ رکھا گیا، بدھ مت دے مطابق اوہ 13ویں دلائی لامہ دا ݙوجھا جنم ہے۔ جݙݨ کوئی لاما فوت تھیوݨ لگدا ہے تاں اوہ اپݨی وفات توں قبل ایہ ظاہر کر ݙیندا ہے کہ اوہ اپݨے آئندہ جنم وچ کس گھراݨے وچ پیدا تھیسی۔ انہاں ہدایات دے پیش نظر اہل تبت بیان کردہ خاندان دے نوزائدہ فرد کوں دلائی لاما دی مسند اقتدار تے ٻلہیندے ہن۔ چنانچہ 1937ء وچ ݙو سال دی عمر وچ اس ٻال لهامو تھونڈپ دی شناخت 13 ویں دلائی لامہ تھبٹین گياتسو دے اوتار دے طور تے کیتی گئی۔ 22 فروری 1940ء وچ ننھے لھامو تھونڈپ کوں لہاسہ گھن آیا گیا جتھااں اس کوں دلائی لامہ دے مسند تے ٻلہایا گیا۔

دلائی لامہ ہک منگولی عہدہ ہے جس دا مطلب ہے علم دا سمندر تے دلائی لامہ کوں رحمت و شفقت دے بدھا اولوكیتیشور دی خصوصیات رکھݨ والے بدھا دے طور منا ویندا ہے۔ بودھی ستوا اینجھے صاحبِ علم لوگ ہوندے ہن جنہاں نے اپݨے نروان کوں ٹال ݙتا ہووے تے انسانیت دی حفاظت کیتے دوبارہ جنم گھنݨ دا فیصلہ کیتا ہووے۔ انہاں کوں احتراماً پرم پاون (پاکیزگی والا) وی آکھا ویندا ہے۔