دریائے جمنا

اے دریا کوہ ہمالیہ دے علاقے جمنوتری توں نکلدے تے 850 میل جنوب دی طرف وہندا ہویا الہ آباد دے مقام تے دریائے گنگا نال ونڄ ملدے۔ ہندو ایں مقام کوں بہت متبرک خیال کریندن۔ دہلی، برنداون، متھرا تے آگرہ، ہیں دریا دے کنارے آباد ہن۔ الہ آباد توں متھرا تک ایندے وچ کشتیاں چل سڳدن۔ چنبل، بیتوا تے کین سون، دریائے جمنا دے معاون ہن جیہڑے بندھیاچل توں نکلدن۔ ہندو گنگا دی طرح جمنا کوں وی مقدس سمجھدن۔ کانپور دے قریب دریائے جمنا توں نہر جمن شرقی کڈھی ڳئی ہے جیہڑی گنگا تے جمنا دے درمیانی دوآبے کوں سیراب کریندی ہے۔ دہلی توں ذرا تلے نہر آگرہ وی دریائے جمنا ہی توں کڈھی ڳئی ہے۔