خورشید نواز لائقؔ بخاری
خورشید نواز لائق بخاری سرائیکی نعت گو شاعر تے نعت خوان ہے۔
نمونہ کلام
لکھوسرائیکی نعتِ پاک
نعت پاک
لکھونعتیہ کلام
اونکوں تھیا نصیب ہے قسمت دا سوجھلا
پاتا ہے جئیں حضورﷺ دی صحبت دا سوجھلا
مٹ گئے اندھارا کفر دا سارے جہان توں
ہر پاسوں تھی ڳئے ماہِ رسالتﷺ دا سوجھلا
تھی ڳئی ختم ہے سئیںﷺ تے نبوت، حشر تئیں
جاری مگر ہے سئیںﷺ دی نبوت دا سوجھلا
ݙوہاں جہاناں وچ اوندا وکھرا مقام ہے
ملدے جیکوں وی رشد و ہدایت دا سوجھلا
لکھداں جو لوْظ رحمتِ عالمﷺ دی شان وچ
ایہ ہے میݙے حضورﷺ دی شفقت دا سوجھلا
یُحْبِبْکُمُ اللّٰہ پڑھ، اوندی تفسیر وی سمَجھ
کینجھا ہے میݙے سئیںﷺ دی محبت دا سوجھلا
ایمان دی مٹھاس ہے چکّھی اوں خوش نصیب
جئیں وی ݙِٹھا نگاہِ نبوت دا سوجھلا
دل وچ نگاہ وچ ہے مدینہ وسیا ہویا
رحمت نبیﷺ دی میں تے ہے رحمت دا سوجھلا
لائقؔ میں خوش نصیب ہاں، لکھ شکر ہے جو ائے
حصے میݙے حضورﷺ دی مدحت دا سوجھلا
سید خورشید نواز لائق بخاری
نعت
لکھوجیلے میڈے تے تھیندی ہے عطا لجپال عربیﷺ دی
لکھیندا ہاں میں اوں ویلھے ثنا لجپال عربیﷺ دی
اے کم آوسی قبر وچ وی حشر وچ وی تو جل ڈیکھیں
محبت اپݨے سینے وچ وسا لجپال عربیﷺ دی
اساں خوش بخت ہیں جگ وچ عجب ایمان ہے ساڈا
اساݙے لیکھ وی ائی ہے دعا لجپال عربیﷺ دی
کیویں ٹردن، کیویں بہندِن ، کیویں حسنینؓ کوں چیندن
تکیندے ہَن صحابہ ہر ادا لجپال عربیﷺ دی
فَتَرضٰی دی تُو پڑھ آیت تیکوں وی آ سمجھ ویسی
خدا دی وی رضا ہے جو رضا لجپال عربیﷺ دی
بنڑا بھیجے خدا سرکارﷺ کوں رحمت جہاناں دی
پئی وسدی ہے رحمت بے بہا لجپال عربیﷺ دی
مزہ لائقؔ وڈا آگئے نبی ﷺ دی نعت سُنڑدیں ہوئیں
سنڑا اے نعت سب آہدن ولا لجپال عربیﷺ دی