خلقت دی اساں روٹی وچوں تیکوں آن لدھیوسے

خلقت دی اساں روٹی وچوں تیکوں آن لدھیوسے ۔۔ تیکوں ملنڑ آیوسے مولا تیکوں ملنڑ آیوسے۔۔ رفعت عباس سرائیکی میلہ مہرے والے دا کانڈھا ۔۔سب دا سانجھا ۔۔ سندھ اچ اے گال عام آکھی ویندی اے "جتھ مانھوں اتھ مولا" مہرے والے دے میلے وچ بندے ہوندن انت شمار توں باہروں۔۔جاہ نئیں ملدی کہیں کوں۔۔میلہ میل ملاپ دا ناں اے ۔۔کوئ مانھوں ملسن سوجھل سوجھل شکلیں والے۔۔کوئ یار پرانے لبھ پوسن ۔حال ونڈیسوں خوش تھیسوں ۔۔جیکر سچی نیت ہووے مولا آپ گولیسی تواکوں۔۔تساں مہرے آلے اوسو تاں ؟ تواکوں میلے دا میل پھراواں ۔۔متاں کوئ جوگی ٹکرے ۔۔ روگ رماوے اندروں دے ۔۔۔کوئی عامل گولوں جیکوں ہتھ ڈکھاوں او عامل اینجھا کامل ہووے جیہرا چھڑے سیت دے لیکے ڈیکھے ناں بدلے سہی ۔ جھمر دے میل تے جلوں بزدار دا مچ ڈیکھوں جیہرا سال پسالی مچدا ویندے۔ اے مچ وسبے دی رگ رگ وچ رچدا ویندے جیہرا مچ دے پڑ تے نچدا ویندے او بچدا ویندے لالچ حرص لوبھ کرودھ کنوں۔ اتھاں لازم ہے ہر بشر اتے جیہرا مہرے والے دی دھرتی تے پیر رکھے او جھمر دا پھیرا مارے کیوں جو سیہون دی سرکار دا حکم ملیے جو ڈھولک دی مست دھمال دی دھن تے جیندا پیر نیں چلدا او ساڈا نئیں ناں اساں ہوندے۔۔۔۔صوفی تاج گوپانگ