خرم بہاولپوری

خرم بہاولپوری سرائیکی زبان دا شاعر تے ماہر لسانیات ہے۔

حضرت حافظ نصیرالدین خرمؔ بہاولپوری اپنْے عہد دے بٖہوں وڈٖے شاعر ہن۔ایں سمجھو جو حضرت خواجہ غلام فریدؒ سرائیکی شاعری وچ آفتاب تے خرمؔ مرحوم مہتاب سمجھے ویندن۔اوہ شاعری دیاں تمام صنفاں تے عبور رکھدے ہن۔ انہاں ڈٖوجھیاں صنفاں دے نال نال غزل وی خوب لکھی ہے آپ دا نمونہ کلام حاضر ہے۔

خرم بہاولپوری

ڄم پل

ناں نصیر الدین ہے، تے پیئو دا ناں مولوی محمد حسن ہے۔ ٣ جون ١٨٥٥ء کوں احمد پور شرقیہ وچ ڄمے۔

سرائیکی ٻولی کوں ٹیکی تے اُساہی ݙیوݨ والے مُہاندرے شاعر

مولانا نصیرالین خُرم بہاولپوری دا ڄمݨاں

27 رمضان 1271 ھ

13 جُون 1855 ء (مجاہد جتوئی)

پیشہ

استاد، عباس ہائی سکول ، احمد پور شرقیہ

کتاباں

• خیابان خرم
• یادِ رفتگاں عرف گنجِ شائگان

نمونہ کلام

ہِن کینکوں ہوش نمازاں دے . کُٹھے پِئے ہیئں یار دے نازاں دے

غزل

مکنْ دا ہے عشق دا رولا

چل ہٹ بے طَورا بے تولا

جئیں سوہنْیاں دا مندا منگے

دوزخ ویسی اوہو ٹولا

مُلّاں جیڑھا رَت ان کیتی

شالا کڑکی غیبی گولا

اساں سنواں نہ ملسیا جانی

کھیسے دا پُر ، گٖنڈھ دا پولا

بٖاہروں تاں ہِس وجٖ بٖہوں سارا

اندروں خرمؔ خالی خولا

؎سوہنْاں تیکوں خیال نہ آندا

توڑے کئی مر ونجٖے کرلاندا

رب سئیں جیکوں صورت ڈٖیوے

ہر کوئی ہے اوندا باندا

؎آونْ کیتے دل نہ منگی

کوڑے پئیں دھرتال کریندا

بھُل کے ول کئی بھال نہ بھالیو

مر گٖیا خرمؔ بھال بھلیندا

؎جَیں در جانواں دھکڑے کھانواں

گھر وچ دشمن بھینْ بھراء

رگٖ رگٖ دیوچ دھوئیں دُکھدے

سوز جگر تن بھڑکے بھاہ

؎ایہو رب کرے جو اوہو ہووے شالا

میکوں بھلوہ پوندے سنجٖاپو الا دا

سدا جندڑی جیویں میڈٖا یار خرمؔ

نہ رکھیو مرنْ دا ، نہ جیونْ دے ڈٖا دا

٭٭٭

وفات

٣ جون ١٩٥١ء کوں بہاولپور وچ فوت تھئے۔ نور شاہ بخاری قبرستان بہاول پور وچ دفن تھئے،