گلاب سومرو
گلاب سومرو (انگریزی:Gulab Soomro) سندھ پاکستان وچ پیدا تھیوڻ والے سندھی زبان تے سرائیکی زبان دے مشہور شاعر تے نٹر نگار ہن۔ انہاں دا استاد بخاری دی سرائیکی شاعری دا سرائیکستان دے لب لہجے وچ ترجمہ تے قرآن شریف دا ترجمہ ٻہوں اعلی ادبی کم ہن۔[١][٢]
زندگی داحوال لکھو
گلاب سومرو دا اصل نالا گل محمد سومرو ہے۔ آپ دے والد دا ناں احمد خان سومرو ہے. آپ دے قلمی نالا گلاب سومرو تے شادان سومرو ہئے. گلاب سومرو ١ آکتوبر ١٩۴٩ء کوں سندھ دے ضلع دادو دے رادھن شہر دے کولوں وستی سيتا وچ پيدا تھئے.[٣]
ادبی علمی خدمتاں لکھو
آپ سندھی زبان تے سرائیکی زبان دے شاعر تے نثر نويس ہن۔ انہاں دی شاعری تے کالم سندھی زبان دے رسالے تے اخباراں وچ شايع تھئے جنہاں وچ حلال احمر اخبار، روزانہ ہلال پاکستان، روزانہ عبرت اخبار ذکر لائق ہن۔ انہاں قرآن شريف دا سندھی زبان تے سرائیکی زبان وچ ترجمہ کیتا ہے۔ اہو سندھ دی تاريخ وچ قرآن پاک دا سرائیکی زبان وچ پہلا ترجمہ شمار تھی سگھدا ہے۔ انہاں زندگی دا وڈا حصہ قرآن شریف دی درس تدریس وچ گذاریا۔ آپ دادو شہر دی معزز شخصیتاں وچ شمار تھیندے ہن۔ اپنے محلے یا پاڑے دے مسئلے تے جھگڑے بھی مکیندے ہن۔ انہاں دی زندگی دا مکمل حوال پروفيسر عبدالله مڳسی دی کتاب سندھ جی تاريخ جو جديد مطالعو وچ شامل ہے۔[٤]
وفات لکھو
گلاب سومرو ٦ اگست ٢٠١٧ء کوں لوک پدھار گئے۔ اے مرکھپور پاڑے دادو دے تاریخی قبرستان وچ دفن ہن۔
حوالے لکھو
- ↑ "Archive copy". Archived from the original on 2021-10-01. Retrieved 2021-10-01.
{{cite web}}: CS1 maint: archived copy as title (link) - ↑ "Archive copy". Archived from the original on 2021-10-01. Retrieved 2021-10-01.
{{cite web}}: CS1 maint: archived copy as title (link) - ↑ http://www.sindhiadabiboard.org/Catalogue/History/Book75/Book_page18.html
- ↑ https://azizkingrani.wordpress.com/2014/12/18/poets-and-writers/